நீங்கள் உங்கள் மூலாதாரத்தை மறந்து விட்டதால், கஷ்டங்களுக்கு ஆளாகிறீர்கள். மீன் தண்ணீரில் பிறக்கிறது.ஒரு நொடி கூட, அது தண்ணீர் இல்லாமல் வாழ முடியாது. அது எங்கிருந்தோ வந்ததோ, அந்தத் தண்ணீரில் இருக்கும் போது மட்டும் தான் அது சந்தோஷமாக இருக்கும். மனிதனின் மூலாதாரம் எது? பகவான் ஸ்ரீகிருஷ்ணர் , ஸ்ரீமத் பகவத் கீதையில் இதற்கு, ‘’மமைவாம்ஸோ ஜீவலோகே ஜீவபூத ஸனாதனஹ ‘’ (அனைத்து ஜீவராசிகளிலும் உள்ள ஆத்மா எனது ஒரு அங்கமே ) என பதிலளிக்கிறார். ஒவ்வொரு மனிதனும், தெய்வீகத்தின் ஒரு ஒளிக்கதிரே என்பது இதிலிருந்து புலனாகிறது. ஒவ்வொருவரும் தெய்வத்திலிருந்தே தோன்றியவர்களே. ஆத்மாவிலிருந்து பிறந்த நீங்கள் எப்போதும் ஆத்மாவை தியானிக்க வேண்டும். நீங்கள் ஆத்மாவை மறந்து விட்டால், அமைதியின்றி, கஷ்டங்களை எதிர்கொள்வீர்கள். எனவே, ஒருபோதும், உங்களது உற்பத்தி ஸ்தானத்தை மறக்காதீர்கள். ஆத்மாவில் நம்பிக்கை வையுங்கள்; அதை மதித்துப் போற்றுங்கள். அதுவே உங்களது வாழ்க்கையின் ஆதாரமாக இருக்கட்டும். நீங்கள் பற்றி ஒழுக வேண்டிய தர்மம் இதுவே.நீங்கள் எந்த விதமான அதிகாரப் பதவியிலும் இருக்கலாம்; உங்களிடம் சொத்தும் வளங்களும் இருக்கலாம்; ஆனால், ஆத்மாவின் மீது கொள்ளும் நம்பிக்கை மட்டுமே உங்களைப் பாதுகாக்கும்.