ப்ரேமையின் திருவுருவங்களே! கட்டுப்பாடு மிகவும் இன்றியமையானதாகும்; அது ஒரு மனிதனுக்கு முதுகெலும்பைப் போல அவ்வளவு முக்கியமானது. கட்டுப்பாடு என்றால், நன்கு வரையறுக்கப் பட்ட சில விதிமுறைகளைக் கடைப்பிடிப்பதே.இப்படிப் பட்ட விதிமுறைகள் இன்றி, மனிதத்துவத்தைப் பராமரிக்க இயலாது; மனிதகுலம் நாசமடைந்து விடும். கட்டுப் பாட்டை புத்தகங்களிலிருந்து பெறவும் முடியாது;அதை ஆசிரியர்களிடமிருந்து கற்றுக் கொள்ளவும் முடியாது. அது, உங்களது அன்றாட வாழ்வில், நீங்கள் கடமைகளை ஆற்றுவதன் ஒரு இயல்பான அங்கமாக ஆக வேண்டும்.விழிக்கும் தருணத்திலிருந்து, உறங்கப் போகும் வரை, கட்டுப்பாடு அத்தியாவசியமான ஒன்று. அது, ஒவ்வொரு குழுவிற்கும், ஒவ்வொரு சமுதாயத்திற்கும், ஒவ்வொரு நிறுவனத்திற்கும் இன்றியமையானதாகும். அது சமுதாய வாழ்க்கையின் ஒரு முத்திரைச் சின்னம். நீங்கள் உங்கள் பேச்சில், விளையாட்டில் மேலும் ஒவ்வொரு விதமான உறவிலும்,கட்டுப் பாட்டைக் கடைப்பிடிக்க வேண்டும். நீங்கள் யாராக இருந்தாலும், உங்கள் நாவைச் சுதந்திரமாக இருக்க அனுமதிக்க இயலாது. பேசும் போதும்,எழுதும் போதும், உங்களது வார்த்தைகளின் எதிர்காலத் தாக்கங்களைச் சிந்தித்துப் பார்த்து, அடக்கத்தைக் கடைப்பிடிக்க வேண்டும். உங்களது கட்டுப் பாடு,நீங்கள் ஆற்றும் ஒவ்வொன்றிலிருந்தும் உங்களைப் பாதுகாத்திடும்.