பல முந்தைய பிறவிகளில் ஈட்டிக் குவித்து வைத்த மகத்தான புண்ணியத்தின் பலனாக மனிதனுக்கு ஒதுக்கப் பட்ட பல வருட வாழ்க்கையை, தெய்வீகத்துள் மேலும் உயருவதற்காகப் பயன்படுத்த வேண்டும்.செல்வங்கள், செலவழித்தால் மட்டுமே குறையும்; ஆனால் வாழ்க்கையோ, அதற்கே இயல்பான வழியில், ஒவ்வொரு தருணமும் குறைக்கப் பட்டுக் கொண்டே இருக்கிறது. கவலைப் படாமல் நாம் தூங்கிக் கொண்டு இருக்கும் போதும் கூட, ஒவ்வொரு நிமிடமும் நம்மை வயது முதிர்ந்தவராக ஆக்கி, கல்லறைக்கு அருகாமையில் நம்மை இட்டுச் சென்று கொண்டு இருக்கிறது.காலத்தை பயனுள்ள வழிகளில் இட்டுச் செல்வதற்கு, வாழ்க்கையை முறைப் படுத்திக் கட்டுப் படுத்தப்படவேண்டும், பழக்கங்கள் புடமிட்டுப் புனிதமாக்கப் பட வேண்டும், தீய இயல்புகள் திருத்தப் பட்டு, ஆக்க பூர்வமான அணுகுமுறைகள் பேணப் பட வேண்டும். ஒரு கட்டுப்பாடான வாழ்க்கையே, நீங்கள் நாட்டிற்கோ அல்லது உங்களுள் உறையும் இறைவனுக்கோ செய்யக் கூடிய மிகச் சிறந்த அர்ப்பணிப்பாகும். எனவே, நீங்கள் ஒவ்வொருவரும், ஒரு இலட்சியத்தை, அதனது தாக்கங்களை ஆராய்ந்து, அதன் நம்பகத் தன்மையை உறுதி செய்து கொண்ட பிறகே , ஏற்றுக் கொள்ள வேண்டும். மிருக உணர்வுகளும், உந்துதல்களும் மனித இயல்பில் சுவடுகளாக நீடித்துக் கொண்டே இருந்திருக்கின்றன; அவற்றின் எழுச்சியைக் கட்டுப் படுத்தி, படிப்படியாக நீக்கினால் மட்டுமே, தெய்வீக ஊற்றுக்கள் தாங்களாகவே வெளிப்பட முடியும்.