உங்களுக்கு உள்ள 24 மணி நேரத்தில், ஒரு சிறிய பங்கை, தியானம் அல்லது வழிபாடு அல்லது சாஸ்திரங்களைப் படிப்பது அல்லது இறைவனது லீலைகளைப் பற்றிய உபன்யாசங்களைக் கேட்பது ஆகியவற்றிற்காக அர்ப்பணியுங்கள் என நான் உங்களுக்கு அறிவுறுத்துகிறேன்.இறைவனைப் பற்றியும், அவன் உங்களுக்குப் பரிசாக அளித்துள்ள மனித ஜன்மம் மற்றும் அவன் உங்களுக்குக் கொடுத்துள்ள பல உலகியலான,ஒழுக்கமான மற்றும் புத்திசாலித்தனமானத் திறன்களுக்காக நீங்கள் காட்ட வேண்டிய நன்றி உணர்வு ஆகியவற்றைப் பற்றியும் சிந்தியுங்கள்;எந்தச் செயல் அல்லது பணியையும் தொடங்குவதற்கு முன் இதைச் செய்யுங்கள். நீங்கள் கண்டிப்பாக மிகுந்த பயனை அனுபவிப்பதோடு,இறை அருளின் மூலம், உங்களது முயற்சிகளில் சாந்தி, சந்தோஷம் மற்றும் வெற்றியைப் பெறுவீர்கள். தியானத்தில் முன்னேற்றம் அடையவில்லை என்றால், மனம் தளராதீர்கள். இறைநாமத்தை உச்சரித்து,அவனது மாட்சிமை மற்றும் அருளைத் தியானியுங்கள்; அதுவும் அதே அளவு பயனளிக்க வல்லதே.ஒரு குறிப்பிட்ட இறைவனது திரு நாமம் தான் அவசியம் என்பதல்ல; அனைத்து திரு நாமங்களும் ஒருவனேயே குறிக்கின்றன. உங்கள் இதயத்தில் நீங்கள் வளர்த்துக் கொள்ளும், நிலைகுலையாமை,நம்பிக்கை மற்றும் ப்ரேமை; மேலும் அவற்றை உங்களது சொற்கள்,செயல்கள் மற்றும் சிந்தனைகள் மூலம் வெளிப்படுத்துவது ஆகியவையே இறைவனது அருளைப் பெறுவதற்கான அத்தியாவசியத் தேவைகளாகும்.