எந்த அற்ப ஆசைகளுக்காக நீங்கள் இப்போது இறைவனை அணுகுகிறீர்களோ, அவை நிறைவேறட்டும் அல்லது ஆகாமல் போகட்டும்; இறைவன் முன் நீங்கள் வைக்கும் பதவி உயர்வு மற்றும் முன்னேற்றத்திற்கான திட்டங்கள், பூர்த்தி ஆகட்டும் அல்லது ஆகாமல் போகட்டும் – இவை முக்கியமல்ல ! உங்களுக்கே நீங்கள் எஜமானராக ஆவதும், உங்களுள்ளும், இந்த பிரபஞ்சத்திலும் வியாபித்துள்ள இறைவனுடன் நெருக்கமான மற்றும் இடையறாத இணைப்பை ஏற்படுத்திக் கொள்வதுமே, உங்களது தலையாய குறிக்கோளாக இருக்க வேண்டும். ஏமாற்றங்களை வரவேறுங்கள், ஏனெனில், அவை உங்களுக்கு வலுவூட்டி, உங்கள் மனோபலத்தை சோதிக்கின்றன. ஒருபோதும் உங்களது துக்கங்களுக்கு அவனைக் காரணம் காட்டி, , இறைவனைக் கைவிடாதீர்கள். நீங்கள் துன்பப்படும் போதெல்லாம், உங்களை அவனை அறை கூவி அழைக்க வைப்பதன் மூலம், துன்பங்கள், உங்களை அவனருகில் ஈர்த்து வைக்கின்றன என்பதை நம்புங்கள். நீங்கள் வயிற்று வலியால் அவதிப்படுகிறீர்கள்; வைத்தியர் அந்த வலியைக் குறைத்து, உங்களுக்கு நிவாரணம் அளிப்பதற்காக, அறுவை சிகிச்சையின் வலியை அளிக்கிறார். பின்னர், நீங்கள் சந்தோஷப் படுகிறீர்கள். இன்பம் என்பது, இரண்டு துன்பத் தருணங்களின் நடுவில் இருப்பதே அன்றி வேறில்லை;துன்பம் என்பது இரண்டு இன்பத் தருணங்களுக்கு நடுவில் உள்ள இடைவெளியே.