ஒரு கொலுசு செய்வதற்குப் பயன்படுத்தப் பட்ட தங்கம், ஒரு கோவிலில் உள்ள ஒரு விக்ரஹத்திற்கு கிரீடமாக ஆகலாம்; ஆனால் அதற்கு , அது உலையில் உருக்கப் பட்டு, அடித்து நீட்டப்பட்டு, அந்த உருவமாக மாற்றப்பட வேண்டும். பகவான் ஸ்ரீகிருஷ்ணர் முரளி –மாதவா ( புல்லாங்குழலைக் கையில் கொண்ட கடவுள் ) என்பதை நீங்கள் அனைவரும் கேள்விப் பட்டு இருப்பீர்கள். புல்லாங்குழல் என்றால் என்ன? நீங்கள் அந்தப் புல்லாங்குழலைப் போன்று இருக்க வேண்டும். இதயங்களை உருக வைக்கும் களிப்பூட்டும் சங்கீதத்தை உருவாக்கும் பகவான் ஸ்ரீகிருஷ்ணரது மூச்சு உங்களில் ஊடுருவிச் செல்லட்டும். அவனிடம் சரணாகதி அடைந்து விடுங்கள்; வெற்றிடமாக,வளைவுகள் அற்ற, அஹங்காரமற்ற, ஆசைகளற்றவர்களாக ஆகி விடுங்கள். பின்னர், அவனே வந்து, புல்லாங்குழலாகிய உங்களைத் நீவிக் கொடுத்து, தனது உதடுகளில் பொருத்தி, அவனது இனிய மூச்சை உங்கள் மூலம் செலுத்துவான். அவனுக்குப் பிடித்த எந்தப் பாட்டை வேண்டுமானாலும், அவன் இசைக்க அனுமதியுங்கள். உங்கள் மனம் எப்போதும் பகவான் ஸ்ரீ கிருஷ்ணரை, தியானிக்கட்டும். ஒவ்வொரு சொல் மற்றும் செயலையும், பகவான் ஸ்ரீகிருஷ்ணரது ப்ரேமை அல்லது நீங்கள் நேசிக்கும் இறைவனுக்கு நீங்கள் அளித்துள்ள ரூப, நாமங்களால் நிரப்புவதன் மூலம், புனிதப்படுத்துங்கள்.