பகவான் ஸ்ரீகிருஷ்ணர், காளிங்கன் என்ற பாம்பின் தலையில் நடனம் ஆடிய போது, அனைத்து விஷமும் வெளி வந்து, அந்தப் பாம்பு அடக்கப் பட்டது. நீங்களும் உங்களது இதயங்களை பாம்பின் மகுடத்தைப் போல மிருதுவாக வைத்துக் கொள்ள வேண்டும் என்று இங்கு நான் மேலும் கூற விரும்புகிறேன். இறைவன் போற்றப் படும்போது, உலகமும், அதன் விஷவாயுக்களும் பின்வாங்கி விடும்; நீங்கள் உங்களது இயல்பான ஆரோக்யத்தைத் திரும்பப் பெறுவீர்கள். நீங்கள் உங்களது இஷ்ட தெய்வத்தின் ரூப, நாமங்களை உங்கள் இதயம் எனும் மகுடத்தில், நாட்டியமாடச் செய்யுங்கள். பகவான் ஸ்ரீ கிருஷ்ணருக்கு புலன்களை ஈர்க்கும் விஷயங்களில் பற்றுதல் ( விஷயவாஸனா) இருந்ததில்லை; அதனால் தான் அவரால் அந்தக் குளத்தில் குதித்து, காளிங்கனின் மகுடத்தில் ஏறி, அதை மிதித்து,விஷத்தை வெளி வரச் செய்ய முடிந்தது. நீங்களே சேற்றில் ஆழ்ந்து கிடக்கும் போது, அதில் விழுந்த மற்றும் ஒருவரை நீங்கள் எவ்வாறு வெளியில் இழுத்துக் கொண்டு வர முடியும்? நீங்கள் மாட்டிக் கொள்ளாதீர்கள்.புலன்களை ஈர்க்கும் விஷயங்களில் பற்றின்றி கரையில் இருக்கும், இறைவனை மட்டுமே கூவி அழைத்து உங்களைக் காப்பாற்றிக் கொள்ளுங்கள். அவனது கரத்தை இறுகப் பற்றிக் கொள்ளுங்கள், அவன் உங்களை பத்திரமாக வெளியில் இழுத்து வந்து, கரையில் நிலையாக நிற்கச் செய்வான்.