‘’ தேஹோ தேவாலய ‘’- உடலே ஆலயம் எனப்படுகிறது. இறைவன் கற்பக்ரஹத்தில் உறையும் ஒரு கோவிலாக நீங்கள் நடமாடிக் கொண்டு இருக்கிறீர்கள். உடல், எலும்பாலும், சதையாலும் ஆன ஒரு குவியல் அல்ல; அவற்றை தியானிப்பதால் நம்மைக் காக்கும் மந்திரங்களுக்கான ஒரு கருவியாகும். அது, புத்தியும், உணர்வும் கொண்டு, துன்பம் மற்றும் தீங்கிலிருந்து விடுதலை அளிக்க வல்ல, நீண்ட காலப் போராட்டத்திற்குப் பின் பெறப்பட்ட ஒரு புனிதமான உபகரணமாகும். அதை அவ்வாறு மதித்து,அது ஒரு உயர்ந்த குறிக்கோளை அடையப் பயன்படுவதற்கு ஏற்றவாறு, அதை நல்ல நிலைமையில் வைத்திருங்கள் ; இந்த செங்கற்களால் ஆன இல்லங்களை விடவே அதிக கவனத்துடன் அதைப் பராமரியுங்கள்; அது ஒரு கருவியே அன்றி வேறில்லை என்ற உறுதியான நம்பிக்கையை எப்போதும் தக்க வைத்துக் கொள்ளுங்கள். எந்த குறிக்கோளுக்காக அதி வடிவமைக்கப் பட்டு, அளிக்கப் பட்டுள்ளதோ, அதற்காக மட்டுமே அதைப் பயன்படுத்துங்கள்.