வெறும் மனித உருவம் பெற்றிருப்பதால் மட்டும் ஒருவர், ஒரு மனிதனாக முடியாது; பழக்கமும், நடத்தையுமே பிரதானம் , இல்லையா? அதைப் போலவே, வெறும் புத்தக அறிவைப் பெறுவது மட்டுமே, ஒருவரை உண்மையிலேயே கற்றவராக ஆக்குவதில்லை. இப்படிப் பட்ட உலகியலான கல்வி எதிர்மறையான இயல்பை உடையதாகும். ஒருவர், கல்விக்கும், விழுக்கல்விக்கும் இடையே உள்ள ஒரு வித்தியாசத்தைப் புரிந்து கொள்ள வேண்டும்.கல்வி என்பது பௌதீகமான மற்றும் மனத்தளவிலான நிலைக்கு உட்பட்டது.கல்வி என்பது தகவல்களைச் சார்ந்தது; விழுக்கல்வி என்பது மனமாற்றத்தைச் சார்ந்தது. எவ்வாறு, கிருஷ்ணா மற்றும் கோதாவரி போன்ற நதிகளுக்கு மூலாதாரம் சமுத்திரத்தில் உள்ளதோ, அவ்வாறே, கல்வியின் ஆணிவேர்கள் விழுக்கல்வியிலேயே உள்ளன. பௌதீகமான மற்றும் உலகியலான அறிவு, கல்விக்கு ஒத்தது. விழுக்கல்வி என்பது நமது உள்ளார்ந்த உணர்வுகள் மற்றும் இதயத்தூய்மையுடன் சம்பந்தப் பட்டது. நமது மாட்ட, பாட்ட மற்றும் பாட்ட ( பேச்சு, பாட்டு மற்றும் வாழ்க்கைப் பாதை) இதயத்திலிருந்து எழ வேண்டும். அதுவே விழுக்கல்வியின் சாரம். நீங்கள், பல பட்டங்களைப் பெற்றிருந்தாலும், உங்களுக்கு இதயத் தூய்மை இல்லை என்றால், உங்களை உண்மையில் கற்றவர் எனக் கூற முடியாது.