ஆண்கள், பெண்கள் மற்றும் பொருட்கள் மீது நீங்கள் வளர்த்துக் கொண்டுள்ள அன்பை, பரிசுத்தமான, தெய்வீக ப்ரேமையாக, மேன்மைப் படுத்த வேண்டும். பின்னர், இதுவே, இறை பக்தியாக பரிமளிக்கும். தன்னை வழி நடத்தி இட்டுச் செல்லுமாறு, தன்னைப் பிரார்த்தித்த, அர்ஜூனனை பகவான் எவ்வாறு செய்தாரோ, அவ்வாறே, உங்களுள் உறையும் இறைவன், ஐம்புலன்கள் எனும் குதிரைகளின் கடிவாளங்களை பிடித்துக் கொண்டு, உங்களுக்கு இடையறாத அறிவுரை அளித்துக் கொண்டு இருக்கும் சாரதியாக இருப்பார் என்பதில் நீங்களே நம்பிக்கை கொள்ளுங்கள். பின்னர், அதே சாரதியே அனைத்து மனிதர்கள் , ஏன் அனைத்து ஜீவராசிகளையும் வழி நடத்திக் கொண்டு இருக்கிறார், என்பதை நீங்கள் நம்புவது எளிதாக இருக்கும். எப்போது இந்த நம்பிக்கையில் நீங்கள் உறுதியாக நிலை கொள்கிறீர்களோ, அப்போதே, வெறுப்பு மற்றும் வன்மம்,பேராசை மற்றும் பொறாமை, கோபம் மற்றும் பற்றுதல் ஆகியவற்றிலிருந்து நீங்கள் விடுபட்டு விடுவீர்கள். இந்தத் தீர்மானம் மற்றும் நம்பிக்கை வலுப்பெற வேண்டும் என இறைவனைப் பிரார்த்தியுங்கள்; அவன் உங்களது கண்களை சத்யத்தை நோக்கித் திறந்து, அவனே, அனைவரிலும் சனாதன சாரதியாக இருக்கிறான் என்பதை உங்களுக்கு வெளிப்படுத்திக் காட்டுவான்.அந்த வெளிப்பாடு, உங்களுக்கு இணையற்ற ஆனந்தத்தைக் கொடுத்து,படைப்பின் எண்ணற்ற அம்சங்களோடான உறவை அளித்திடும்.