நீங்கள் ,எதற்காக ஒருவருக்கு ஒருவர் போட்டியிட்டு சண்டை போட்டுக் கொள்ள வேண்டும்? உங்களில் ஒருவர், அலுவலகத்திலும், மற்றொருவர் கடையிலும், மூன்றாமவர் அச்சகத்திலும் வேலை செய்து கொண்டு இருக்கலாம்- அதனால் என்ன ? உங்களுடைய வேலை தாழ்ந்தது என்றோ மற்றவரது வேலை உயர்ந்தது என்றோ கருதாதீர்கள். உங்களது பங்கு சிறியது என்று நீங்கள் காணும்போது, அதற்காக மனத்தளர்ச்சி அடையாதீர்கள்; உங்களுடைய பங்கு ஒரு பெரியது என்பதற்காகக் கர்வம் கொள்ளாதீர்கள். உங்களுக்குக் கொடுக்கப்பட்ட வேலைக்கு உங்களது முழுத்திறனையும் அளியுங்கள். ஆன்மீக சாதனையில், பக்தி, கட்டுப்பாடு மற்றும் ஒரு கடமை உணர்வோடு ஈடுபடுங்கள். அதுவே, இறை அருளை அடைவதற்கான வழியாகும். உலகியலான ஆசைகளால் ஏன் நீங்கள் இவ்வளவு தீவிரமாகக் கவரப்பட வேண்டும்? நிரந்தரமான, அளவற்ற, பிரபஞ்சமயமானவற்றை அடைய எப்போது தான் நீங்கள் பாடு படப் போகிறீர்கள்? நீங்கள் ஊட்டி, உருவாக்கிய உடலை என்றோ ஒரு நாள் , நீங்கள் விட்டு விட்டுத் தான் போக வேண்டும். நீங்கள் ஈட்டி பெருமையுடன் சொந்தம் கொண்டாடும் அனைத்தையும் எவ்வளவு காலம் வைத்துக் கொள்ள முடியும்? அற்பமான எண்ணங்களும் , ஆசைகளும் துக்கத்தை மட்டுமே அளிக்கும். புனிதச் சிந்தனைகளும் ஆசைகளும் தெய்வீக சாந்தியை உங்களுக்கு அளிக்கும். எனவே, நல்ல மற்றும் பயனுள்ள உணர்வுகளையும் ஆசைகளையும் வளர்த்துக் கொள்ளுங்கள்.