இந்த வருடத்திற்கு ‘’ விகாரி ‘’( கோணலானது) என்று பெயரிடப் பட்டுள்ளது ! எனவே, ஜாக்கிரதையாக இருங்கள் ! ஏமாற்றுகின்ற ஆசைகள் அல்லது கோணலான திருப்திகளின் பின்னால் அலைந்து திரியாதீர்கள். புலன்களின் சாம்ராஜ்யத்திற்கு இட்டுச் செல்லும் அனைத்து வழிகளும், கடுமையானவையும், கண்மூடித்தனமானவையும் ஆகும் ; இறைவன் பால் இட்டுச் செல்லும் வழி ஒன்று மட்டுமே நேரானது. அனைத்திலும், ஒளிர்வு மறைவற்ற மற்றும் நேர்மையான மனப்பாங்கினை அபிவிருத்தி செய்து கொள்ளுங்கள். அது உங்களுக்கு ஆத்மாவை வெளிப்படுத்தும். நேர்மை, உங்கள் மனதில், முக்குணங்களின் தாக்கத்தை சமாளிக்க சக்தி அளிக்கும். நீங்கள், எவ்வாறு உப்பு, மிளகாய் மற்றும் புளியை ஒன்றாகச் சேர்த்து அரைத்து உங்கள் உணவிற்கு ஏற்ற சுவையான சட்னியைப் பெறுகிறீர்களோ, அதைப் போல, ஆனந்தம் என்ற ஒரு புதுச் சுவையுள்ள சட்னியைப் பெறுவதற்கு, இந்த முக்குணங்களையும் ஒன்று சேர்த்து அரைக்கும் ஒரு முறையை நீங்கள் இக்குணங்களுக்கு அளிக்க வேண்டும் ! ஒரே ஒரு குணம் மட்டுமே ஆதிக்கம் செலுத்துமாறு இருக்கக் கூடாது ; அனைத்தும் அடக்கப் பட்டு, உங்கள் இதயத்தில் உள்ள ஆனந்தம் எனும் ஏரியை நிரப்புவதற்குத் திருப்பி விடப் பட வேண்டும். உங்கள் முயற்சியில், நீங்கள் வெற்றி பெற்று விட்டீர்கள் என்று எப்படித் தெரியும் ? வெளியுலக ஏற்றத் தாழ்வுகளால், உங்களது மனச்சாந்தி அல்லது மனதின் சமச்சீர்நிலை பாதிக்கப் படாமல் இருக்குமானால், அதுவே உண்மையான வெற்றியாகும்.