கேரள மக்களுக்கு, விஷூ, ஒரு மகிழ்ச்சிகரமான நாளாகும். விஷூ அன்று, மக்கள் ஒரு புனித நீராடி, புத்தாடைகளை உடுத்திக் கொள்கிறார்கள்.பின்னர், அவர்கள் , பெரியவர்களுக்கு நமஸ்காரம் செய்து, அவர்களது ஆசிகளை நாடுகிறார்கள். வெறும் வெளிப்படையான தூய்மை மட்டும் போதாது; நீங்கள் உங்கள் மனதை பரிசுத்தப் படுத்தி, அகத்தூய்மையை அபிவிருத்தி செய்து கொள்ள வேண்டும் என்பதை நினைவில் கொள்ளுங்கள். அங்கிங்கெனாதபடி, எங்கும் நிறைந்திருக்கும் தெய்வீகம் உள்ளும், உங்களைச் சுற்றி எங்கும் வியாபித்துள்ளது. இறைவனை அகத்துள் கண்டு, ஒவ்வொருவருடனும் சுமுகமான உறவை வளர்த்துக் கொள்ளுங்கள். நாம், நமது பெரியவர்களை நமஸ்கரித்து அவர்களது ஆசிகளை நாட வேண்டும். நாம், அனைவருடனும் நல்லுறவை வளர்த்துக் கொள்ள வேண்டும். உண்மையான விஷூக் கொண்டாட்டம் அதில் தான் இருக்கிறது. சிறு வயதிலிருந்தே, குழந்தைகளுக்கு, நமது பண்டைய கலாசாரத்தின் மேன்மையைப் புகட்ட வேண்டும்.அவர்களை ஒரு இலட்சிய குடிமக்களாக உருவாக்க வேண்டும்.நமது பாரம்பரிய பண்புகளை அவர்கள் பின்பற்றுமாறு செய்ய வேண்டும். எதற்கும், பயிற்சி மிகவும் அவசியம்.குழந்தைகள் பண்டைய பாரம்பரியத்தைப் பற்றி ஒழுகுமாறு செய்வதில், பெற்றோர்களுக்கும், ஆசிரியர்களுக்கும் பொறுப்பு உள்ளது.