நீங்கள், இறைவன் உங்களுக்குப் பணித்த கடமைகளை செவ்வனே ஆற்றி, காலத்தைப் புனிதமாக்க வேண்டும்.நாம் ஆற்றும் எந்தச் செயல்களும், நமது உள்ளார்ந்த சிந்தனைகள் மற்றும் உணர்வுகளின் பிரதிபலிப்புக்களே.எனவே, உங்களுக்கும், மற்றவர்களுக்கும் சந்தோஷம் அளிக்கும் செயல்களை ஆற்றுங்கள். கலி யுகத்தின் தாக்கத்தின் காரணமாக, மக்கள் கடுமையாக உழைப்பதில்லை. படித்தவர்கள் , படிக்காதவர்கள் இருவருமே சோம்பேறிகளாக ஆகி விட்டார்கள். இந்நாளில், மக்கள் ஒரு இலகுவான வாழ்க்கையையே வாழ விரும்புகிறார்கள். மாணவர்களும் கூட, அதிக முயற்சி இன்றி, பரீட்சைகளில் தேர்வு பெற விரும்புகிறார்கள். மக்கள், அதிகமாக உழைக்காமல், வேலைகளைப் பெறுவதை விரும்புகிறார்கள். வேலைகள் கிடைத்த பின், தங்களது கடமைகளைப் போதுமான அளவு ஆற்றாமலேயே, சம்பளம் பெற விரும்புகிறார்கள். இப்படிப் பட்ட மனப்பாங்கு நல்லதல்ல. கஸ்தே ஃபலி – அதாவது கடின உழைப்பே வளமான பரிசுகளைத் தரும் , என்று கூறப்படுகிறது. நீங்கள் பெறும் வெகுமதிகள், உங்களது உழைப்பிற்குத் தகுந்தவாறே இருக்கும். கடமை உணர்வு கொண்டவர்களாக இருங்கள். உங்களது உழைப்புக்கள் நல்ல பலன்களைத் தருவதற்கு ஏற்ப, உங்களது செயல்களுக்கு வந்தனம் செய்து ( தஸ்மை நம: கர்மணே), ஆத்மார்த்தமாகப் பணியாற்றுங்கள். தார்மீகமான செயல்களை ஆற்றி, உங்களது வாழ்க்கையை புனிதமாக்கிக் கொள்ளுங்கள்.