நீங்கள் இறைவனுடனேயே, இடையறாது வாழும் ஆன்மீக சாதனையைக் கடைப்பிடித்தால், கண்டிப்பாக வெற்றி பெறுவீர்கள் என்பதை பகவான் ஸ்ரீகிருஷ்ணர் எடுத்துக் காட்டினார். அவனை, உங்களது சாரதியாக எடுத்துக் கொள்ளுங்கள்; அவன், கடுமையான எதிர்ப்புக்களின் இடையிலும், உங்களை வழி நடத்திச் செல்வான். அவனுக்கு வேண்டுபவர்கள் அல்லது வேண்டாதவர்கள் என்று எவரும் இல்லை. நெருப்பைப் போல, தனதருகில் உள்ள அனைவருக்கும் அவன் தனது இதமான அரவணைப்பை அளிக்கிறான். இந்த அரவணைப்பை உங்களால் உணர முடியவில்லை என்றால், அவனை குறை கூறாதீர்கள்; அவனிடமிருந்து வெகு தொலைவில் நீங்கள் இருப்பதற்காக உங்களையே நொந்து கொள்ளுங்கள் ! பீஷ்மரைப் பாருங்கள்; அவரைக் கொல்வது என்று சபதம் எடுத்துக் கொண்டு வந்த அந்தக் கிருஷ்ணரையே, தனக்கு அவரது ஒரு திவ்ய தரிசனம் தருமாறு பிரார்த்தித்தார். இதுவே உண்மையான பக்தி, ஞானம் ! பகவான் ஸ்ரீகிருஷ்ணரும் அவரது பிரார்த்தனைக்கு இணங்கி, அவரை ஆசீர்வதித்தார். ஹிரண்யகசிபு, ‘’அவன் எங்குமே இல்லை ‘’ என்றான். எனவே, இறைவன் அவனுக்கு எங்கும் தென்படவில்லை. பக்த பிரஹலாதன் , ‘’ அவன் எங்கும் உள்ளான் ‘’ என ஆணித்தரமாக நம்பினான்; அவன் கூறியதை நிரூபிக்க, இறைவன் தூணிலிருந்து தோன்றி தனது சக்தியை நிரூபித்தான்! அதிலிருந்து வெளிப்படுவதற்காக, இறைவன் தூணைத் தேடி, ஓடி ஒளிந்து கொள்ள வேண்டிய அவசியம் ஏற்படவில்லை ! எல்லாவற்றிலும் இருப்பதைப் போலவே, இறைவன் எப்போதும் அதிலும் இருந்தான் ! அவன் தன்னை அதிலிருந்து வெறுமனே வெளிப்படுத்திக் காட்டிக் கொண்டான்!