இறைவன் உங்களை சோதிக்கிறான் என்றோ அல்லது சோதனைகளின் துன்பத்திற்கு உங்களை ஆளாக்குகிறான் என்றோ வேதனைப் படாதீர்கள்; ஏனெனில் நீங்கள் சோதிக்கப் பட்டால் தான், நீங்கள் உங்களுக்கே வெற்றியை உறுதி செய்து கொள்ளவோ அல்லது உங்களது குறைகளைப் பற்றித் தெரிந்து கொள்ளவோ முடியும். அதன் பின்னர், உங்களுக்குத் திறமை குறைவாக இருக்கும் பாடங்களில் மனதைக் குவித்து, அதில் தீவிர கவனம் செலுத்துவதன் மூலம், மறுபடியும் சோதிக்கப் பட்டால், அந்தப் பரீட்சையில் தேர்ச்சி பெற முடியும். பரீட்சைக்காகக் கடைசி நேரத்தில் படிக்காதீர்கள்; முன்னதாகவே நன்றாகப் படித்து,தேவையான அறிவு, மற்றும் அந்த அறிவு மற்றும் திறமையினால் கிடைக்கும் தன்னம்பிக்கை மற்றும் தைரியத்துடன், தயாராக இருங்கள். நீங்கள் முன்னதாகவே நன்றாகப் படித்ததை, பரீட்சைக்கு முன்பு, திரும்பத் திரும்ப மனதில் புரட்டிப் பார்க்க வேண்டும்; நீங்கள் செய்ய வேண்டியது எல்லாம் அது மட்டுமே. நீங்கள் கண்டிப்பாக வெற்றி வாகை சூடுவீர்கள் - இதுவே வெற்றிக்கான பாதையாகும்.