சூழ்நிலைகள் எதுவாக இருந்தாலும், உங்களது நடத்தை நேர்மையானதாகவும், நீங்கள் ஒரு தார்மீகமான வாழ்க்கை நடத்துவபவராகவும் இருப்பதைப் பார்த்துக் கொள்வது உங்களது கடமையாகும் ! உங்களது இதயத்தை பரிசுத்தமாகவும், புனிதமானதாகவும் ஆக்குவதன் மூலம் உங்கள் இதயத்தை சீர்திருத்திக் கொள்ளுங்கள். பரிசுத்தமே ஒவ்வொரு மனிதனின் உண்மையான குணநலனாகும். ஒருவர் செய்யும் எதிலும், அதாவது உங்களது சிந்தனைகளில், நீங்கள் பார்ப்பது அல்லது பேசுவதில் மற்றும் நீங்கள் ஆற்றும் அனைத்து செயல்களில் பரிசுத்தம் வெளிப்பட வேண்டும். இப்படிப் பட்ட தூய்மையை நீங்கள் காட்டும் போது தான், உங்களது உண்மை நிலையான, தெய்வீக ஆத்ம ஸ்ரூபங்களாக நீங்கள் ஆக முடியும் ! பின்னர், உலகியலானவை மற்றும் தெய்வீகம் என்ற இரண்டிற்கும் இடையே உள்ள வித்தியாசங்கள் மறைந்து, அனைத்தும் தெய்வீகமாகி விடும். செய்பவர் மற்றும் செய்யப் படுவது என்பதில் உள்ள வித்தியாசங்களும் கூட சென்று விடும். பின்னர் அனைத்தும் பரிபூரணமாக ஆகி விடும். உங்களது சிந்தனைகளை இறைவன் பால் திருப்பி, உங்களது இதயம் மற்றும் புலன்களைத் தூய்மைப் படுத்தப் பாடுபடுவோம் என இன்றே பிரதிக்ஞை எடுத்துக் கொள்ளுங்கள் ; அதன் மூலம் நீங்கள் ஆத்ம சாக்ஷாத்காரத்தை அடைய முடியும்.