ஒரு தேள் என்னைக் கொட்டியதால், நான் சாய்பாபா ஆனேன் எனச் சிலர் கூறுவதை நீங்கள் கேட்டிருக்கக் கூடும் ! நல்லது, உங்களில் யாராவது தேளால் கொட்டப் பட்டு, சாய் பாபா ஆகிக் காட்டுங்கள் என நான் உங்களுக்குச் சவால் விடுகிறேன். இல்லை, தேளுக்கு, இதில் எந்த சம்பந்தமும் இல்லை ! உண்மையில், தேள் என்று எதுவுமே இல்லை ! தர்மத்தை மீண்டும் நிலை நாட்ட வேண்டும் என்ற, ரிஷிகள், முனிவர்கள் மற்றும் ஆன்மீக சாதகர்களின் பிரார்த்தனைகளை ஏற்று நான் வந்துள்ளேன். ஏதாவது, ஒரு சிறிய குழப்பம் தோன்றுவதற்கான அறிகுறி தென்பட்டால், ஒரு போலீஸ் கான்ஸ்டபிள் அந்த இடத்திற்கு வருகிறார்; கூட்டம், வெறித்தனமாக நடந்து கொண்டால், இன்ஸ்பெக்டர் விரைந்து வருகிறார்; அதுவே வன்முறையாக ஆகி விட்டால், போலீஸ் சூப்பரின்டென்டன்ட், அந்த இடத்திற்கு, அதை அடக்க, தானே வந்தாக வேண்டும். ஒரு வேளை, அந்த சந்தர்ப்பம் மேலும் தீவிரமானதாக ஆகி விட்டால், இன்ஸ்பெக்டர் ஜெனரலே ( ஐ.ஜி) அங்கு வந்தாக வேண்டி இருக்கிறது அல்லவா? இன்றைய சூழ்நிலையில், ஐ.ஜியே பொறுப்பு ஏற்றுக் கொண்டுள்ளார். ரிஷிகள், ஆன்றோர்கள், முனிவர்கள், யோகிகள் மற்றும் தெய்வீகப் பிறவிகள் அனைவரும் தங்களது முயற்சியை செய்து பார்த்து விட்டார்கள் ; தர்மத்தை மீண்டும் நிலைநாட்டி, உலகம் பிரசாந்தியை அடைவதற்கான பாதையைச் செப்பனிடும் பணியில் அவர்கள் அனைவரும் ஒத்துழைக்கப் போகிறார்கள்.