ஒரு உப்புக் கட்டியை எடுத்து தண்ணீரில் போடுங்கள், அது ஒவ்வொரு துளியிலும் இருக்கிறது என்பதை நாம் அறிந்திருந்த போதிலும்,உப்பு, விரைவில் கரைந்து ,மறைந்து விடுகிறது. அந்த உப்புக் கட்டியைக் காண முடியாது, ஆனால் அது இருப்பதை, தண்ணீரைச் சுவைப்பதன் மூலம் , நாம் காணலாம். அதைப் போலவே, கண்களுக்குப் புலப்படாவிட்டாலும்,இறைவன் எங்கும் நிறைந்திருக்கிறான். அவனை அந்தச் சுவையில் மூலம் தெரிந்து கொள்ளலாம். நீங்களே அந்த தெய்வீகமான நீர்த் துளி, நீங்களே அந்த சுவை. ‘’ நீங்கள் தான் அது ‘’ இதுவே சத்தியம். ஒரு மரத்தின் தண்டைச் சுற்றி பட்டையும், அதை உறுதியாக நிலத்தில் பதித்து,அதற்கு போஷாக்கு அளிக்கும் எண்ணற்ற வேர்களும் உள்ளன.அதற்கு, பல திசைகளில் பரந்து விரிந்து, குறுகலாக நீட்டிக் கொண்டிருக்கும் கிளைகளும் உள்ளன. சுவாசித்து, சூரியனிடமிருந்து சக்தியைப் பெற்றுத் தரும் லக்ஷக்கணக்கான இலைகளும் அதற்கு இருக்கின்றன. மலர்களை, மகரந்தச் சேர்க்கையின் மூலம் விதைகளாக மாற்றுவதற்கு தேனீக்களைக் கவர்ந்து, அது தன்னை பூரணமாக்கிக் கொள்கிறது. இந்த வண்ணங்கள், நறுமணம்,சுவை, மணம் மற்றும் இதம், வலிமை, உறுதி, மென்மை ஆகிய அனைத்தும், ஒரே ஒரு விதையிலிருந்து தோன்றியவையே. அதைப் போலவே, படைப்பனைத்தும்,பரந்தாமனிலிருந்து தோன்றியவையே. இதுவே உண்மை நிலை. இந்த நம்பிக்கையில் நிலையாக இருங்கள்.