நமக்கு, வருடம் ஒருமுறை வரும் மஹா சிவராத்திரியைத் தவிர,சிவ வழிபாட்டிற்காக மாதம் ஒருமுறையும் ஒரு சிவராத்திரி உள்ளது.இந்த ராத்திரி ஏன் இவ்வளவு முக்கியமானது? இரவு, சந்திரனால் ஆக்ரமிக்கப் பட்ட ஒன்று. சந்திரனுக்கு 16 கலைகள் உள்ளன; ஒவ்வொரு நாளும் அதாவது இரவிலும், தேய் பிறையின் 15 நாட்களில், ஒவ்வொரு நாளும் ஒவ்வொரு கலையாகக் குறைந்து கொண்டே வந்து, அமாவாசை இரவு அன்று, சந்திரன் முழுவதுமாக தேய்ந்து விடுகிறது. அன்றிலிருந்து ஒவ்வொரு இரவும், ஒவ்வொரு கலையாகச் சேர்க்கப் பட்டு, பௌர்ணமி இரவு அன்று, சந்திரன் ஒரு முழு வட்டமாக வளர்ந்து விடுகிறது. சந்திரனே மனதிற்கு அதிபதி ஆகும்; மனமும், சந்திரனைப் போலவே, தேய்வதும், வளர்வதுமாக இருக்கிறது. சந்திரமா மனஸோ ஜாதஹ – சந்திரன் பரமாத்மாவின் மனதிலிருந்தே தோன்றிய ஒன்றாகும். அனைத்து ஆன்மீக சாதனைகளின் முக்கியக் குறிக்கோள் , மனதை முழுமையாக அழித்து, அமனஸ்க (மனமற்ற) நிலையை அடைவதே என்பதை நினைவில் கொள்ள வேண்டும். அதன் பிறகே, மாயையின் திரை விலக்கப் பட்டு, உண்மை நிலை வெளிப்படும்.