இப்போது, ‘’ மனிதன் ‘’ மட்டுமே மிகவும் மலிவானவனாக ஆகி விட்டான் ! மற்ற அனைத்தும் மதிப்பில் உயர்ந்து விட்டன. மனிதர்களே, மிகவும் இழிவு படுத்தப்பட்டு, மிகவும் உதாசீனப்படுத்தப் படுகிறார்கள். அதிக செலவு மிகுந்த திட்டங்கள் வடிவமைக்கப் பட்டு, முடிக்கப் பட்ட பின்,அந்த பிரதேசம் வசதி மிகுந்ததாகவும், வளமானதாகவும் ஆகும் போது, தவிர்க்க முடியாத விளைவு, துரதிருஷ்ட வசமாக, குற்றங்கள் மற்றும் ஒழுங்கீனம் அதிகமாவதே ஆகும். இதற்குக் காரணம், எந்த சமுதாயத்தின் பயனுக்காக இந்தத் திட்டம் நிறைவேற்றப் பட்டதோ , அந்த சமுதாயத்தின் நல்லொழுக்க வலிமையை, நிலை நிறுத்தவதற்கான எந்தத் திட்டமும் இருப்பதில்லை ! நல்ல ஆரோக்கியம், நிலையான மனச்சாந்தி மற்றும் பிறரின் சேவையை மதித்து, அதை நோக்கி செலுத்தப் படும் புத்திகூர்மை ஆகியவை உடையவையாக இருந்தால் மட்டுமே, ஒரு சமூகம் உண்மையிலேயே சந்தோஷமாக இருக்க முடியும் ! உடல் மற்றும் உலகியலான பொருட்களின் நிலையாமையை உணர்ந்து, தற்பெருமை மற்றும் படாடோப உணர்வை ஒதுக்கித் தள்ளி, பேராசை மற்றும் பேராவலைக் கட்டுப் படுத்த வேண்டும்.