தங்கம், எவ்வாறு ஒரு ஆபரணமாக மாறுவதற்கு, உலைக்கலம், சுத்தியல் மற்றும் பட்டறையை வரவேற்கிறதோ , அவ்வாறே விதியின் அனைத்து அடிகள், துரதிருஷ்டங்கள் மற்றும் துன்பங்களுக்கு வரவேற்பு அளியுங்கள். அதன் இனிமையைத் தக்க வைத்து அனைவராலும் பயன்படுத்தக் கூடிய சர்க்கரையாக மாறுவதற்கு, வெட்டுக் கருவி, பிழியும் இயந்திரம், கொதிகலன், கடாய், தெளிப்பான் மற்றும் உலர் இயந்திரம் ஆகியவற்றிற்குக் கரும்பைப் போல வரவேற்பு அளியுங்கள். பாண்டவர்கள், அவர்கள் மீது பேரிடர்கள் பலமாக பாய்ந்த போதும், ஒருபோதும் புலம்பியதில்லை. துன்பங்கள், பகவான் ஸ்ரீகிருஷ்ணரை நினைவு கூறுவதற்கான வாய்ப்புக்களாகக் கருதி, அவர்கள் ஆர்வத்துடன் பிரார்த்தித்தார்கள். அவன் மீது நம்பிக்கை வைத்த பல சாதுக்களை அவன் எவ்வாறு பேணிக் காத்தானோ, அவ்வாறே, இறைவன் உங்களை உள்ளிருந்து பேணிக் காத்திடுவான் !