நல்லொழுக்கமான நடத்தை ,மனச் சாந்தியை உறுதி செய்து, அது பதிலுக்கு, உங்களை பல உடல் மற்றும் மன நோய்களிலிருந்து காப்பாற்றுகிறது. நீங்கள் வரம்புகளை ( மிதி ) மீறினால், நீங்கள் முன்னேற ( கதி ) முடியாது. உடல் ரீதியான நோய்களைப் பற்றிக் கூறும்போது, நீங்கள் உண்பது, குடிப்பது, உறங்குவது மற்றும் உடற்பயிற்சி ஆகியவைகளில் மிதமாக இருப்பதைக் கடைப்பிடிக்க வேண்டும் என்று நான் கட்டாயம் கூறுவேன். நல்ல உணவை, முறையான இடைவெளிகளில் மிதமாக உண்ண வேண்டும் என்பதே பரிந்துரையாகும். ரஜோ மற்றும் தாமஸிகமான உணவை விட, பரிசுத்தமான, ஸாத்வீகமான உணவு, சுயக்கட்டுப்பாட்டையும், புத்தியையும் அதிகம் வளர்க்கிறது. ஆன்மீக சாதகர்களுக்கு பரிசுத்தமான மற்றும் ஸாத்வீக உணவு மிகவும் அவசியம். நுண்ணிய, கண்களுக்குப் புலப்படாத சிந்தனைகள், உணவின் மூலம் ஒருவரிலிருந்து, மற்றொருவருக்கு செல்ல முடியும். குறிப்பாக, சரிவான யோகத்தின் பாதையில், நீங்கள் இறைவனை நோக்கிப் பயணிக்கும் போது, நீங்கள் உணவைப் பற்றி மிகவும் கவனமாக இருத்தல் வேண்டும். உறக்கமும் கூட முறையாகவும் மிதமாகவும் இருக்க வேண்டும்; அதுவும் உழைப்பு மற்றும் உணவைப் போலவே முக்கியமானதாகும். ஆரோக்கியத்தையே கூட பாதிக்கக் கூடிய வீண் பகட்டிற்காக அன்றி, ஆடை என்பது முதன் முதலில் வெப்பம் மற்றும் குளிரிலிருந்து பாதுகாப்பு அளிப்பதற்காகவே என்பதையும் நினைவில் கொள்ளுங்கள்.