நீங்கள் எல்லோரும் காலத்தை வீணடித்துக் கொண்டு இருக்கிறீர்கள். காலமே இறைவன். இறைவன் கால காலாய நமஹ- அவனே காலத்தின் அதிபதி எனப் போற்றப் படுகிறான்.எனவே, நீங்கள் தேவையற்ற செயல்களில், காலத்தை வீணடிக்கக் கூடாது. உதாரணமாக, மித மிஞ்சிய பேச்சே ஒரு கால விரயமாகும். நீங்கள் ரேடியோவை இயங்கச் செய்து அனைத்து அநாவசியமான நிகழ்ச்சிகளைக் கேட்கும் போது, மின்சாரம் வீணாகிறது. உடல் ஒரு ரேடியோவைப் போன்றது. இறைநாமஸ்மரணை செய்வதும், இறைவனது மாட்சிமையைப் பாடுவதும், இறை அருளின் சமிக்ஞைகளைக் கைப்பற்றித் தரும். ஆனால், நீங்கள் அநாவசியமான வம்புப் பேச்சில் ஈடுபடும் போது, விலைமதிப்பற்ற காலத்தையும், சக்தியையும் வீணடிக்கிறீர்கள். நீங்கள் கொடிய அல்லது பொருத்தமற்ற செயல்களைச் செய்யும் போது, நீங்கள் மறுபடியும் சக்தியை வீணடிப்பதோடு, பயங்கரமான விளைவுகளுக்கும் ஆளாகிறீர்கள். சத்தியம், தர்மம் என்ற இரட்டை இலட்சியங்களைப் பற்றி ஒழுகுவதன் மூலம் உங்களது வாழ்க்கையைப் புனிதமாக்கிக் கொள்ளுங்கள். அவைகளை உபதேசிப்பதற்குப் பதிலாக அவற்றை நடைமுறையில் கடைப்பிடியுங்கள். பரப்புவது ‘’ அளவு ‘’, ஆனால், கடைப்பிடிப்பது ‘’ தரம்‘’ ஆகும். தரமே எப்போதும் மிகவும் முக்கியமானதாகும். ஒரு கரண்டி பசும்பால், ஒரு பீப்பாய் கழுதைப்பாலை விட மிகவும் சிறந்ததே.