ஒருவரிடம், உலகியலான பொருட்கள் அதிகமாக இருந்தால்,அவர் மேலும் அதிகமாக சந்தோஷமாக இருப்பார் என நினைக்கிறார்கள். ஆனால், ஆசைகள் அதிகரிக்க ,அதிகரிக்க, ஏமாற்றங்களும், துன்பங்களும் கூட அதிகரிக்கின்றன. நமது ஆசைகள், பற்றுதல்கள் மற்றும் பேராவல்களுக்கு ஒரு வரம்பு இருக்க வேண்டும். மனிதர்கள் தங்களது ஆசைகளுக்கு ஒரு அளவு வைத்துக் கொள்ளாததால் தான், இந்த உலகம் எண்ணற்ற துன்பங்களை அனுபவித்துக் கொண்டு இருக்கிறது. வாழ்க்கையில், முடிவே இல்லாத இன்பங்கள் மற்றும் சௌகரியங்களை நாடுவது ஒரு தவறாகும்.உண்மையான சந்தோஷத்தை அந்த வழியில் பெற முடியாது.இன்னல்களையும், துன்பங்களையும் அனுபவிக்காமல், சாந்தி மற்றும் சந்தோஷங்களின் மதிப்பை, நீங்கள் எப்படித் தெரிந்து கொள்ள முடியும்? வாழ்க்கை என்பது,இன்பம் மற்றும் துன்பம்,சந்தோஷம் மற்றும் துக்கம், வெப்பம் மற்றும் குளுமை என மாறி மாறி வரும் ஒன்றே. ஒரு ஆரஞ்சுப் பழத்தை மூடி இருக்கும் கசப்பான தோல்,உள்ளிருக்கும் இனிய ரசத்தைப் பாதுகாப்பதற்காகவே.எனவே, துன்பம்,கவலை மற்றும் துயரத்தை, பின்னர் நீங்கள் அனுபவிக்கப் போகும், சாந்தி மற்றும் ஆனந்தத்தைப் பாதுகாக்கும் தோல் என நோக்குங்கள்.உங்கள் மனமே, பந்தத்திற்கும்,மோக்ஷத்திற்கும் கூட காரணமாகும்.