தில்லியில் பாடுகின்ற ஒரு பாடகரை, ஒரே சமயத்தில் ஆயிரக் கணக்கான இல்லங்களில், கேட்பதோ அல்லது பார்ப்பதோ, தொழில் நுட்பத்தின் காரணமாக சாத்தியமாகிறது. ஆனால், நாம் ஸ்ரீமத் பாகவதத்தில், பகவான் ஸ்ரீகிருஷ்ணர், கோபிகைகளுக்கு ஒரே சமயத்தில் ஆயிரக்கணக்கான இல்லங்களில் தோன்றினார் என்று படிக்கும் போது, அது நம்பக் கூடியதா என்ற கேள்விகள் எழுப்பப் படுகின்றன. மனிதனால் உருவாக்கப் பட்ட கருவிகள் ( யந்திரங்கள் ), இவ்வளவு சக்தி வாய்ந்ததாக இருக்க முடியும் என்றால், மந்திரங்களின் சக்தியை, ஏன் சந்தேகிக்க வேண்டும்? ஒலி அலைகள், மின் அலைகளாக மாற்றப் பட்டு, விண்வெளியின் மூலம் அனுப்பப் படுகின்றன. இவை ஆகாயத்தில் நிலையாக உள்ளன; அவற்றின் அதிர்வுகளோடு இசைவாக இணைத்துக் கொள்ளும் ஒருவரால் அவற்றைப் பெற முடிகிறது. அதைப் போலவே, அங்கிங்கெனாதபடி எங்கும் நிறைந்திருக்கும் இறைவனை, ஒரே முகமான பக்தியின் மூலம், இதயம் எனும் ரேடியோவுடன் இசைவாக இணைத்து விட்டால், அந்த அனுபவத்தின் ஆனந்தம் ,அவனை உங்களுக்கு வெளிப்படுத்தி விடும். கோபிகைகள், இந்த தொழில் நுட்பத்தில் திறன் வாய்ந்தவர்களாக இருந்ததால், அவர்களால் ஸ்ரீகிருஷ்ணர் எங்கும் வியாபித்திருப்பதை உணர முடிந்தது. அனைத்து சந்தர்ப்பங்களிலும் அவர்களின் கை விடாத நண்பனான, ஸ்ரீகிருஷ்ணரின் நாம, ரூபத்தால், அவர்களின் இதயங்கள் நிரம்பி இருந்தன.