அன்றாட வாழ்க்கையில் சீலம், அனைத்து செயல்கள் மற்றும் சிந்தனைகளை தெய்வீகமாக்குவது மற்றும் இலட்சியங்களைப் பற்றி ஒழுகுவது- இவை அனைத்தையும் உள்ளடக்கியதே கலாசாரம். பாரத கலாசாரம், தூய்மை, தெய்வீகம், பண்பாடு மற்றும் சுந்தரம் ஆகியவற்றின் ஒரு கலவையாகும், இந்தக் கலவை,விளையாட்டுப் போட்டிகளில் மிகச் சிறப்பாகப் பிரதிபலிக்கிறது.உணவு மற்றும் கேளிக்கைப் பழக்கங்களில், நாடுகளுக்கு இடையே பல வித்தியாசங்கள் இருந்தாலும், விளையாட்டுப் போட்டிகளில் வெளிப்படுத்தப்படும் இசைவு மற்றும் ஒற்றுமையின் உணர்வு அனைவருக்கும் திருப்தி அளிக்கும் ஒரு உதாரணமாகும். தங்களது வித்தியாசங்களை மறந்து, மக்கள் விளையாட்டுப் போட்டிகளில் ஒரு தெய்வீக நட்பு மற்றும் சகோதர உணர்வுடன் தங்களை ஈடுபடுத்திக் கொள்வது, இவற்றின் ஒரு தனிச் சிறப்பாகும். விளையாட்டு வீரர்கள் தங்களது ஆரோக்கியத்தை மேம்படுத்துவத்துவதற்கு உதவுவதோடு அல்லாமல், விளையாட்டுக்கள், அவர்கள் ஆனந்தத்தையும் அனுபவிக்க உதவுகின்றன. இருந்த போதிலும், மாணவர்கள் இந்த பலன்களை அனுபவிப்பதோடு திருப்தி அடைந்து விடக் கூடாது. மனத்தூய்மையைப் பேணி, பரந்த மனப்பாங்கினை வளர்த்துக் கொள்வதும் அதே அளவு இன்றியமையாததாகும். உடல் , மனம் மற்றும் ஆத்மா ஆகியவை இசைந்து பணியாற்றுவதை வளர்த்துக் கொள்ளும்போது தான் உண்மையான மனிதத்துவம் மலர்கிறது. விளையாட்டுக்களில் நீங்கள் காட்டும் உற்சாகத்தையும் , உழைப்பையும், நல்லொழுக்கம் மற்றும் ஆன்மீகத் துறைகளிலும் கூட பிரதிபலித்துக் காட்டுங்கள்.