சகிப்புத்தன்மை, வாழ்க்கையின் அசாதரணமான ஆயுதங்களை எதிர்கொள்ளும் வலிமையை உங்களுக்கு அளிக்கிறது. சகிப்புத்தன்மை அற்ற ஒருவர், கஷ்ட, நஷ்டங்களுக்கு எளிதாக பலியாகி விடுகிறார்.சத்தியம் மற்றும் சகிப்புத் தன்மையுடன் கூடவே, நீங்கள் பொறாமையிலிருந்து விடுதலையையும் வளர்த்துக் கொள்ள வேண்டும். பொறாமை, ஒரு மரத்தின் ஆணிவேரையே தாக்கும் பூச்சி போன்றதாகும்.பொறாமை, உங்கள் வாழ்க்கை அனைத்தையுமே அழிக்க வல்லதாகும்.நாம் வாழ்க்கையில்,அறிவு,செல்வம்,பதவி,அதிகாரம் போன்ற பலவற்றை அனுபவிக்கிறோம். ஆனால், பொறாமை எனும் விஷக்கிருமி நமது மனதில் நுழைந்து விட்டால், அது அனைத்தையும் மாசு படுத்தி விடுகிறது.ஒரு சின்ன விஷயத்தில் கூட, பொறாமைக்கு இடம் அளித்து விடாதீர்கள்.ஒரு சக மாணவர் உங்களை விட அதிகமாக மதிப்பெண்களைப் பெற்று விட்டால்,பொறாமைப் படாதீர்கள்.மற்றவர்கள் உங்களை விட திறமையாகச் செயலாற்றினால், பொறாமை உங்களை ஆட்கொள்ள அனுமதிப்பதற்கு பதிலாக, அவர்களுக்காகச் சந்தோஷப் படுங்கள். யாராவது, உங்களை விட நன்றாக ஆடை அணிந்திருந்தாலோ அல்லது அதிக செல்வம் படைத்திருந்தாலோ, அவர்கள் தாங்கள் பெற்றதை சந்தோஷமாக அனுபவித்துக் கொண்டு இருக்கிறார்கள் என நீங்கள் கருத வேண்டும்; உங்களுக்கு இருப்பதைப் பற்றி திருப்தியாகவும், சந்தோஷமாகவும் இருக்க வேண்டும். பொறாமை இன்றி இருப்பது உண்மையில் தெய்வீகமானதாகும்.