வேதங்கள், நீங்கள் இறைவனை, அவனது அருளாசிகளுக்காக, நன்றி உணர்வுடன் போற்றி, வழிபடவேண்டும் என போதிக்கின்றன.பைபிள், ஒருவர் சாந்திக்காகப் பிரார்த்தித்து, ஈகையைக் கடைப்பிடிக்க வேண்டும் என போதிக்கிறது. குரான், துன்பப்படுவோருக்கு கருணை காட்டி, உங்களது ஸங்கல்பத்தை, இறைவனது ஸங்கல்பத்திற்கு சரணடையச் செய்ய வேண்டும் என உங்களுக்கு வலியுறுத்துகிறது.புத்த மத நூல்கள், பற்றின்மை மற்றும் புலனடக்கத்தின் பாடத்தை போதிக்கின்றன. ஜெண்ட் அவஸ்தா, நீங்கள் உங்களது தீய இயல்புகளைக் கைவிட்டு, உங்களது சொந்த உள்ளார்ந்த பேரோளியில் பிரகாசிக்க வேண்டும் என அறிவுறுத்துகிறது. எனவே, அனைத்து மதங்களின் போதனைகளும் ஒன்றே என்பதையும்,பிரார்த்தனை எந்த மொழியில் இருந்தாலும், எந்த இறை நாமத்திற்கு செய்யப் பட்டாலும், அதே இறைவனைத் தான் சென்றடைகிறது என்பதையும் நீங்கள் அனைவரும் உணர வேண்டும். உங்களது ஆத்மார்த்தமான விருப்பம், உங்களுக்கும், பிறருக்கும் உதவுவதாக இருக்குமானால், அதைப் பூர்த்தி செய்ய, இறைவனை ஒரு படம் அல்லது விக்ரஹத்தின் மூலம் பிரார்த்திக்கலாம் என்பதைப் புரிந்து கொள்ளுங்கள். பாலவிகாஸ் குரு இந்த அனைத்து குணங்களையும் உட்பதித்துக் கொண்டு, பின்னர், தன் கட்டளை மற்றும் உதாரணத்தின் மூலம் அவற்றை பாலவிகாஸ் குழந்தைகளுக்குப் போதிக்க வேண்டும்.