உலகில் தர்மத்தை மீண்டும் நிலைநாட்டுவதற்கான மகத்தான இயக்கத்தின் முன் முதல் அடிப்படை பாலவிகாஸே. பரிசுத்தமான மற்றும் தெளிவான மனச்சாட்சி கொண்ட சிறுவர், சிறுமிகளின் ஒரு தலைமுறையை உருவாக்குவதே பாலவிகாஸின் இலட்சியமாகும்.நல்ல முறைகளில் வாழ்வது, எளிமை, பணிவு மற்றும் கட்டுப்பாடு ஆகியவற்றிற்கு குழந்தைகள் இட்டுச் செல்லப் பட வேண்டும். கையில் ஒரு தடியை வைத்துக் கொண்டு இருந்தால், நீங்கள் குழந்தைகளை உங்கள் பால் ஈர்க்க முடியாது என்பது நீங்கள் அறிந்ததே; மாறாக, நீங்கள் கையில் சில இனிப்புகளை வைத்திருக்க வேண்டும்.எனவே, குருமார்கள் ப்ரேமை மற்றும் பொறுமையின் திருவுருவங்களாக இருக்க வேண்டும். சீரிய பழக்கங்களும், இலட்சியங்களும் வளர்ந்து பரிமளிப்பதற்கான சூழ்நிலை உருவாக்குவதை விட, அசல் பாடத்திட்டம் அவ்வளவு முக்கியமானதல்ல. மாணவர்கள், பாலவிகாஸின் கட்டுப்பாடு மற்றும் பாடத்திட்டத்தை , வாரம் ஒரு நாள் மட்டுமே கடைப்பிடிக்கிறார்கள்; மற்ற நாட்களில் அவர்களது வழக்கமான பள்ளிகளுக்குச் செல்கிறார்கள். எனவே, இந்தக் குழந்தைகளின் பழக்க வழக்கங்களில் மாறுதல் ஏற்படுத்தும் முறையில் ஒரு உந்துதலாக இருக்க வேண்டும் என்றால், குருவின் தாக்கம் மேலும் அதிக சக்தி வாய்ந்ததாக இருக்க வேண்டும்.