ஒரு வருடத்தில் என்ன நடக்கிறது? மனத்தளர்ச்சி, துன்பம், கவலை மற்றும் பித்துப் பிடித்த பயம் ஆகியவையே இல்லையா? நீங்கள் எவ்வாறு நிரந்தரமான சாந்தியைப் பெற முடியும் என்பதை ஆராய்ந்து , கண்டு பிடிக்க இந்த வருடத்தைப் பயன்படுத்துங்கள் ! இதை நீங்கள் ப்ரேமையின் மூலம் மட்டுமே பெற முடியும் !சாந்தி என்பது வாழ்க்கை எனும் மரத்தின் பழமாகும் ! இந்தப் பழம் இன்றி,மரம்,எந்த விதமான மதிப்போ அல்லது ஏற்புடமையோ இல்லாத கருகி உலர்ந்த ஒரு மரக்கட்டையே. இனிமையான ரசத்தைப் பராமரித்துப் பாதுகாப்பதற்காக, இந்தப் பழம் ஒரு கசப்பான தோலுக்குள் வைக்கப் பட்டுள்ளது ! இந்தத் தோலை நீக்கி விடுங்கள்; உள்ளே இருக்கும் இனிமையை நீங்கள் சுவைத்து, உங்களுக்கே நீங்கள் வலுவூட்டிக் கொள்ளலாம். தடியான தோல், ஒவ்வொரு மனிதனின் ப்ரேமை நிறைந்த இதயத்தை மூடிக் கொண்டு இருக்கும் ஆறு வித தீய உணர்ச்சிகளான காமம், க்ரோதம், லோபம், மோஹம், மதம், மற்றும் மாத்ஸர்யத்தைக் குறிக்கிறது.கடினமான மற்றும் சீரான ஆன்மீக சாதனையின் மூலம், இந்தத் தோலை நீக்கி,உள்ளிருக்கும் இனிமையுடன் தொடர்பு கொள்பவர், நாம் அனைவரும் நாடும் சாந்தியைப் பெறுகிறார்கள்; அந்த சாந்தியே நிரந்தரமானதும், மாறாததும், அமோகமானதும் ஆகும் !