ஏசு கிருஸ்து பிறந்த போது,அந்தக் கிராமத்தின் வானத்தில் ஒரு மிகப் பெரிய ஒளிப்பிழம்பு தோன்றியது.தீமை மற்றும் அறியாமையை வெல்லப் போகும் அந்த இறைவன் அவதரித்து விட்டான்; அவன் அனைத்து ஆண்கள் மற்றும் பெண்களின் இதயங்களில் ப்ரேம ஜோதியை பரவச் செய்யப் போகிறான் என்பதே இதன் பொருளாகும். ஏசு கிருஸ்துவின் பிறந்த நாளைக் கொண்டாடும் போது, பலவீனமான, ஆதரவற்ற, பாதிக்கப்பட்ட மற்றும் பரிதவிக்கும் மக்களுக்கு அன்பான சேவை ஆற்றிக் கொண்டு உங்களது வாழ்க்கையை நடத்துவதற்கு நீங்கள் உறுதி பூண வேண்டும். பொறுமை, சகிப்புத்தன்மை, ஈகை மற்றும் பெருந்தன்மையை வளர்த்துக் கொள்ளுங்கள். ஏசு கிருஸ்து போதித்த இலட்சியங்களைக் கெட்டியாகப் பிடித்துக் கொண்டு, அவற்றை உங்களது அன்றாட வாழ்க்கைகளில் கடைப்பிடியுங்கள். ஆனால், இப்போது கிருஸ்துமஸ் கொண்டாடப்படும் விதத்தைப் பார்த்தால்,இந்த சீரிய இலட்சியங்களிலிருந்து மக்கள் எவ்வளவு தூரம் விலகிச் சென்று விட்டார்கள் என்று தெரிகிறது ! நடுநிசி காலம் பயபக்தியுடன் போற்றப் படுகிறது, ஒளி விளக்குகள் ஏற்றப் படுகின்றன, கிருஸ்துமஸ் மரம் ஏற்பாடு செய்யப் படுகிறது; ஆனால், நீங்கள் மீதி இரவு முழுவதையும், தெய்வீக ப்ரேமையால் நிரப்பிக் கொண்டு கழிக்கிறீர்களா? உங்களது இதயங்களைப் பரிசுத்தமாக்கிக் கொண்டு, புனிதப் பணிகளை ஆற்றி, அனைவரிடத்திலும் ப்ரேமையுடன் பழகுங்கள். அதுவே, கிருஸ்துமஸைக் கொண்டாடுவதற்கான மிகச் சிறந்த வழியாகும்.