தெய்வீக ப்ரேமையின் திருவுருவங்களே ! நீங்கள் இந்த உலகில் உண்மையான சாந்தியைப் பெற விரும்பினால், மதத்தின் பால் எந்த வெறுப்பும் கொண்டு இருத்தல் கூடாது. நீங்கள் உங்களது ஜாதியை விட, நீதியை உயர்ந்ததாகக் கருத வேண்டும். நீங்கள், மத நம்பிக்கைகளை விட, நல்ல சிந்தனைகளை அதிகமாகப் போற்றிக் காக்க வேண்டும். பரஸ்பர பரிவு ( மமதா), சமச்சீரான மனநிலை ( ஸமதா ) மற்றும் சகிப்புத் தன்மை ( க்ஷமதா ) ஆகியவையே ஒவ்வொரு மனிதனின் அத்தியாவசியமானஅடிப்படை குணங்களாகும்.இந்த மூன்று புனிதமான குணங்களை அபிவிருத்தி செய்து கொள்ளும் ஒருவனே உண்மையான மனிதன். அனைத்து சுயநலம் மற்றும் சுயக் கண்ணோட்டத்தை விட்டு விடுங்கள். ப்ரேமை, பொறுமை மற்றும் பரிவை வளர்த்துக் கொள்ளுங்கள். இசைவுடன் வாழுங்கள். தேவைப் படுபவர்களுக்கு, சேவை ஆற்றுவதே உங்களது வழிகாட்டும் கொள்கையாக இருக்க வேண்டும். சேவை ஆற்றும் போது, எந்த விதமான வித்தியாசங்களுக்கும் இடம் அளிக்கக் கூடாது. நீங்கள் சமுதாயத்திற்குச் சேவை ஆற்ற விரும்பினால், உங்களது சொந்த மற்றும் குல நலன்களைத் தியாகம் செய்யத் தயாராக இருக்க வேண்டும். நீங்கள், தியாகத்தின் மூலம் உங்களது வாழ்க்கையைப் புடமிட்டுப் பரிசுத்தமாக்கிக் கொள்ள முடியும்.வேதங்கள், தியாகத்தின் மூலம் மட்டுமே , அமரத்துவத்தை அடைய முடியும் என ஆணித்தரமாகப் பறைசாற்றுகின்றன.