இறைவனது அருளைப் பெறுவதற்குத் தேவையான மனப்பக்குவம் இன்றி, நீங்கள் புனிதத் தலங்களுக்கு, உல்லாசப் பயணம் போவதைப் போலச் சென்றீர்களானால், அந்தப் புனிதத்தலத்தின் சூழ்நிலையைக் கெடுக்கும் ஒரு தொந்தரவு செய்பவராகவே நீங்கள் இருப்பீர்கள். உங்களது அந்தராத்மாவில் இன்றி, தபால் கட்டுகளைப் போல, , வெளி உறையில் பல முத்திரைகைளச் சேர்த்துக் கொண்டு, நீங்கள் இடம் இடமாக அலைகிறீர்கள்.ஒரு இடத்தின் புனிதத்துவம், உங்கள் மனதில் வேலை செய்ய ,நீங்கள் அனுமதிப்பதில்லை. தீர்த்த யாத்திரையின் காரணமாக, உங்களது பழக்கங்கள் மேலும் உன்னதமானதாக மாறவேண்டும்,உங்களது கண்ணோட்டம் விசாலமானதாக ஆக வேண்டும், உங்களது உள் நோக்கிய பார்வை ஆழமானதாகவும், மேலும் நிலையானதாகவும் ஆக வேண்டும். இறைவனது அங்கிங்கெனாதபடி எங்கும் உறையும் தன்மையையும், மனிதகுலத்தின் ஒருமையையும், நீங்கள் உணர வேண்டும். நீங்கள் சகிப்புத் தன்மை மற்றும் பொறுமை, ஈகை மற்றும் சேவை ஆகியவற்றைக் கற்றுக் கொள்ள வேண்டும். தீர்த்த யாத்திரை முடிந்தவுடன், உங்களது சொந்த இல்லத்தில் அமர்ந்து, உங்களது அனுபவங்களை நினைவு கூர்ந்து, உயர்ந்த, விலைமதிப்பற்ற, மேலும் சத்தியமான ஆத்ம சாக்ஷாத்கார அனுபவத்தை நாடுவதற்கு நீங்கள் உறுதி எடுத்துக் கொள்ள வேண்டும். நீங்கள் அந்த மன உறுதியை உருவாக்கி, படிப்படியாக அந்த இலக்கை அடையப் பாடுபடுவீர்களாக என நான் உங்களை ஆசீர்வதிக்கிறேன்.