நீங்கள் ஒரு வீட்டிற்குள் நுழையும் போது, அங்குள்ள பூஜை அறையின் சுவரில் எனது ஒரு படத்தைப் பார்த்தால், உங்களுக்குள் பயபக்தி மற்றும் உறவின் ஒரு உணர்ச்சி அலை பொங்கி எழுவதை உணருகிறீர்கள் அல்லவா? அந்த வீட்டின் சொந்தக்காரர் தொழில் துறையில் உங்களுக்குப் போட்டியாளராக இருந்தாலும் கூட, அவரை வேறு எந்தக் காரணத்திற்காக உங்களுக்குப் பிடிக்காமல் இருந்தாலும், இந்தப் படம் உங்களை அவருக்கு நெருக்கமாகி விடும்.உங்களது மிக மோசமான எதிரியாக நீங்கள் கருதும் எந்த மனிதரும் கூட தனது இதயத்திற்குள், உங்களுடையதைப் போன்ற அதே ஆத்ம ஜோதியைத்தான் கொண்டுள்ளார் ! நீங்கள் போற்றும் அந்த இறைவனின் திருவுருவப் படத்தைத் தான், ஒவ்வொருவரும், அவர்களது இதய கமலங்களில் கொண்டுள்ளார்கள் என்பதைப் புரிந்து கொள்ளுங்கள். இதை உணர்ந்து, உங்களது தவறான எண்ணங்களைச் சீராக்கிக் கொள்ளுங்கள்; இடைவெளிகள் அனைத்தையும் நீக்கி, கடிமான வாழ்க்கைப் பாதையில், ஒருவருக்கு ஒருவர் உற்சாகமும், உத்வேகமும் அளிக்கும், தீர்த்த யாத்திரையின் சகோதர, சகோதரிகளாக இருங்கள். அனைத்தையும் அரவணைக்கும் அந்த ஆத்ம ஜோதியின் மாட்சிமையில், அறியாமையின் வாரிசுகளான, அனைத்து வெறுப்பும், பொறாமையும், மாயமாக மறைந்து விடும். அந்த ஆத்ம ஜோதிதான் அனைவருள்ளும் இருக்கிறது என்பதை அறிந்து கொள்ளுங்கள்.