இன்றைய ஆன்மீக சாதனைகள் கேட்பதோடு நின்று விடுகின்றனவே அன்றி, கடைப்பிடிப்பதில் அல்ல. கேட்பது ( ஸ்ரவணம் ) மிகவும் பிரபலமாகி விட்டது; கேட்ட பிறகு, மக்கள் தங்களுக்கு அனைத்தும் தெரிந்து விட்டதாகத் தம்பட்டம் அடித்துக் கொள்கிறார்கள். இந்தப் பைத்தியக்காரத்தனமான தம்பட்டம், ஒருவரது அறியாமையை மேலும் ஆழமாக்குகிறது. நீங்கள் கேட்டதை, மறுபடியும் மனதில் சிந்தித்துப் பார்க்க வேண்டும். இதற்குப் பிறகு, ஒருவர், இந்தப் பாடங்களைக் கடைப்பிடிக்க வேண்டும் ( நிதித்யாஸனம் ). அதன் பிறகே, நீங்கள் சிந்தனை, சொல் மற்றும் செயலில் பரிசுத்தத்தை அடைய முடியும்.ஒரு ஆன்மீகக் கண்ணோட்டத்தைப் பெற்று, அதைப் பிறரில் ஊக்குவிக்க, உங்களுக்கு இதயத் தூய்மை ( சித்த சுத்தி) இருக்க வேண்டும். எவ்வாறு, ஒரு பயிரை அறுவடை செய்வதற்கு முன், களைகளை நீக்கி, நிலத்தை உழுது, விதைகளை விதைத்து, நிலத்தில் நீர் பாய்ச்ச வேண்டுமோ, அவ்வாறே மனித இதயம் எனும் நிலத்திலிருந்து தீய எண்ணங்களையும், உணர்வுகளையும் நீக்கி, தெய்வீகத் திருநாமம் எனும் விதையை விதைத்து, ப்ரேமை எனும் நீர் பாய்ச்சி, ஆன்மீக சாதனைகளால் உழ வேண்டும். அதன் பிறகே, நீங்கள் ஞானம் எனும் பயிரை அறுவடை செய்வதற்கு உரிமை பெறுகிறீர்கள்.