அன்பான மாணவர்களே! முதன் முதலில், உங்கள் பெற்றோர்களை மகிழ்விப்பதன் மூலம், உங்களது இல்லங்களுக்கு ஒளியூட்டுங்கள். நீங்கள் ஏதோ சில விஷயங்களைப் படித்திருக்கிறீர்கள் என்பதால், அவர்களிடம் இறுமாப்பாக நடந்து கொள்ளதீர்கள். குரு குலங்களின் பட்டமளிப்பு விழாவின் போது, குருமார்கள் அளிக்கும் அறிவுரை ஒன்றே தான், ‘’ தாயும், தாய்நாடும், சொர்க்கத்தை விட அதிகம் மதிக்கப் பட வேண்டியவை.உங்களது முன்னேற்றத்தை உறுதி செய்வதற்காக, உங்களது பெற்றோர்கள் அவர்களது சௌகரியங்களையும், ஏன் அடிப்படைத் தேவைகளையும் கூட தியாகம் செய்து கொண்டு இருக்கிறார்கள்.அவர்களை மதித்து, அவர்களை மகிழ்விப்பது உங்கள் கடமையாகும். நீங்களே அவமானப்படும் செயல்கள் அல்லாது, மற்றவர்கள் மதிக்கும் செயல்களில் உங்களையே நீங்கள் ஈடுபடுத்திக் கொள்ளுங்கள். பெரியவர்களைப் போற்றுங்கள். உங்கள் தாயகத்தை நேசியுங்கள் ‘’. மேலும் அவர்கள், ‘’ தாயைத் தெய்வமாகவே கருதுங்கள், தந்தையைத் தெய்வமாகவே கருதுங்கள், குருவைத் தெய்வமாகவே கருதுங்கள் மற்றும் விருந்தினரைத் தெய்வமாகவே கருதுங்கள் ‘’ என்று அறிவுறுத்துவார்கள். தாய்நாடு முன்னேறி வளம் பெறுவதற்கு ஏற்றவாறு, இந்த நான்கு விதமான அறிவுரைகளையும், அவற்றின் ஏற்புடமையில் முழு நம்பிக்கை வைத்துப் பின்பற்றி, அதிலிருந்து ஆனந்தத்தைப் பெற்று, உங்களது உதாரணத்தின் மூலம், மற்றவர்களுக்கு உத்வேகம் அளியுங்கள். என்னுடைய ஆசிகளுடன், எனது இந்த விருப்பத்தைப் பூர்த்தி செய்யுங்கள்.