சிருஷ்டிக்கப் பட்ட பொருட்களின் வலையில் சிக்கி விடாமல்,ஒருவர் தன்னுள் மறைந்திருக்கும் தெய்வீக ஊற்றினைப் பெறும் பாதையை, கல்வி எடுத்துக் காட்ட வேண்டும். ஒழுக்கத்தின் முன்னேற்றத்தை விடவே, ஆன்மீக மனமாற்றமே மிகவும் அடிப்படையானது என்பதை, அது வலியுறுத்த வேண்டும். ஒரு கற்ற மனிதனின் அறிகுறி, அனைவரின் பால் சமத்துவ உணர்வை அவர்கள் கொண்டிருப்பதே ஆகும்.அவர்கள், சமுதாயம் தெய்வீகத்தின் ஒரு வெளிப்பாடே எனக் காண வேண்டும். கல்வி, இயற்கையிலிருந்து, எங்கும் வியாபித்திருக்கும் ஆத்மாவிற்கு நேரடியாக, இட்டுச் செல்வதில்லை. ஒன்றிணைக்கும் ஆத்ம கண்ணோட்டத்துடன், அது உங்களை இயற்கையைப் பற்றிக் கற்றுக் கொள்வதற்கு இட்டுச் செல்கிறது. இயற்கையின் சக்திகள் குறுகிய சுயநலத்திற்கு உள்ளாக்கப் படும்போது, அவை தொற்று நோயாக உங்கள் மீது திரும்பப் பாய்கின்றன. எப்போது அவை ஆத்மாவின் வெளிப்பாடுகளாகப் போற்றப் படுகின்றனவோ, அப்போது அவை உங்களுக்கு பயனளிப்பவையாக ஆகி விடுகின்றன.கல்வி இந்தத் தெளிந்த நுண்ணறிவை உங்களுக்குத் தந்து விடுகிறது.நீங்கள், உங்களது சுதந்திரத்தை விட்டுக் கொடுக்க வைத்து, ஆசையின் வலையில் கட்டுண்டு விடுமாறு செய்யும் முறை, ஒருபோதும், கல்வியாக முடியாது. படைப்பின் ஒருமையை இடையறாது உணர்ந்து, கடைப்பிடிப்பதன் மூலம் சாந்தி மற்றும் ஸ்திரத்தன்மையை உறுதி செய்வதை, உண்மையான கல்வி, நோக்கமாகக் கொண்டிருக்க வேண்டும்.