உங்களிடம் இருக்கக் கூடிய ஆஸ்தி, அந்தஸ்து , அதிகாரம் அல்லது அறிவாற்றல் ஆகியவற்றைக் கண்டு பெருமிதம் கொள்ளாதீர்கள். அவற்றைக் கொண்டு, நீங்கள் பிறருக்கு உதவ முடியும் என்பதால், அவை அனைத்தும், நம்பிக்கையின் அடிப்படையில் உங்களுக்குக் கொடுக்கப் பட்டுள்ளதாகக் கருதுங்கள். அவை யாவும் இறை அருளின் அடையாளங்கள், சேவை ஆற்றுவதற்கான வாய்ப்புக்கள், பொறுப்புணர்வின் சின்னங்கள். பிறரது தவறுகளை, கனிவோடு கையாளுங்கள். எப்போதும் அவர்களில் உள்ள நல்லவற்றையே நாடி, அவர்களைப் பற்றிய நல்ல செய்திகளையே கேளுங்கள்; ஒருபோதும், அவதூறுகளுக்கு செவி சாய்க்காதீர்கள். ஸ்ரீகிருஷ்ணாவதாரத்தில், காளிங்கனைப் பற்றிய ஒரு நிகழ்வு உள்ளது. அதனது உட்கருத்து இதுதான்; பாம்பாகிய காளிங்கன் மற்றும் அதன் தலைகள் இதயத்தின் ஆழத்தில் பதுங்கியிருக்கும் ஆசைகளே.; இறைவன் அதில் குதித்து அல்லது அவனது அருளைப் பொழிந்து விஷத்தை வெளியேற்றி விடுவதால், அந்த இடம் பாதுகாப்பானதாவும், பத்திரமானதாகவும் ஆக்கப் படுகிறது. பகவான் ஸ்ரீகிருஷ்ணர், அவற்றின் தலைகளில் நர்த்தனம் ஆடும்போது, அந்தப் பாம்புகள் அடக்கப் பட்டு, அபாயமற்றதாக ஆக்கப் படுகின்றன.ஆசைகளை அழிக்காமல், ஒருவர் தெய்வீகமானவராக ஆக முடியாது. உங்களிடம் சிவனின் குணங்களைப் பெற நீங்கள் பாடுபடாமல்,சிவோஹம்,சிவோஹம் ( நானே சிவன்) எனத் திரும்பத் திரும்பச் சொல்வதால் என்ன பயன்?