ஆதி சங்கரர், ‘’ நீ யார், நான் யார், நான் எங்கிருந்து வந்தேன், நான் எங்கு போய்க் கொண்டிருக்கிறேன், இந்த அனைத்து செயல்கள் மற்றும் மாற்றங்களின் தன்மையும், குறிக்கோளும் என்ன, ஒரு ஸ்திரமான ஆதாரமோ, ஏதாவது குறிக்கோளோ, திசையோ அல்லது இயக்குனரோ இருக்கிறாரா ( கஸ்த்வம், கோஹம், குத ஆயாதஹ) ‘’ என்று கேட்கிறார். இந்தக் கேள்விகளை உங்கள் மனதிலிருந்து உதாசீனப்படுத்தி நீக்கி விடாதீர்கள். நீங்கள் தனியாக இயற்கையின் ஏதோ மகத்தான மற்றும் அச்சமும், வியப்பும் ஊட்டும் ஒன்றுடன் இருக்கும் போதோ அல்லது உங்களது சொந்த அனுபவத்தில் ஏதோ பயங்கரமான அல்லது அதிர்ச்சியூட்டும் சம்பவம் நிகழும் போதோ, உங்கள் ஒவ்வொருவருக்கும் இது வந்து உங்களை வாட்டுகிறது. இந்த விலை மதிப்பற்ற தருணங்களை கைவிட்டு விட்டு, மறுபடியும் சாரமற்ற வாழ்க்கையை நோக்கித் திரும்பி, நீங்கள் உந்தப்பட்ட இந்த ஆராய்ச்சியைத் தொடராமல் இருப்பது விவேகமற்ற செயலாகும். குரு உங்களை எச்சரித்து, எழுப்புவதற்காக வருகிறார். அவர் சத்தியத்தை வெளிப்படுத்தி, அதை நோக்கி முன்னேற ஊக்குவிக்கிறார். உங்களுக்கு அந்த தாபமும், ஆராயும் இதயமும், தேடும் புத்தியும் இல்லை என்றால், அவராலும் பெரிதாக எதுவும் செய்ய முடியாது. பசியுள்ளவருக்கு உணவளிக்க முடியும்; பசியற்ற ஒருவர், உணவை ஒரு சுமையாகக் கருதி, ஒதுக்கித் தள்ளி வைத்து விடுவார்.