நற்சிந்தனைகளை நீங்கள் நடைமுறைப்படுத்த வேண்டும் என்பதற்காகவே, இந்த தசராக் கொண்டாடங்களில், துர்க்கா, லக்ஷ்மி, மற்றும் ஸரஸ்வதி ஆகியோர் வழிபடப் படுகின்றார்கள். துர்க்கையை, ஏதோ ஒரு பயங்கரமான தேவதை என்று அர்த்தம் செய்து கொள்ளக் கூடாது. அவள், உங்களைக் காக்கும், தலைசிறந்த தேவதை ஆவாள். லக்ஷ்மி, அனைத்து செல்வங்களின் ஸ்வரூபமே. ஸரஸ்வதி வாக் தேவதை ஆவாள். நற்சிந்தனைகள், நல்ல சொற்கள் மற்றும் நற்கருமங்களே இந்த மூன்று தேவியர்களின் சாரத்தைக் குறிக்கின்றன. உங்களுக்கு நல்லவற்றை போதிப்பவர் யாராயினும் அவர், ஸரஸ்வதியின் ஸ்வரூபமே. உங்களுக்கு தீயவற்றைப் போதிப்பவர் ஒரு அசுரனே. தேவி துர்க்கை அப்படிப் பட்ட அசுரர்களையே அழிக்கிறாள். துர்க்கா, லக்ஷ்மி, மற்றும் ஸரஸ்வதி ஆகியோர், உண்மையில், உங்களிடமிருந்து வேறுபட்டவர்கள் இல்லை. அவர்கள் உங்களது சொந்த இதயத்திலேயே கொலு வீற்றிருப்பவர்கள். நீங்கள் ஒரு மனிதன் என்பதால், அவர்கள் , நீங்கள் மனிதனாக வாழ்க்கை நடத்துமாறு அறிவுறுத்துகிறார்கள். துர்க்கா, லக்ஷ்மி, மற்றும் ஸரஸ்வதி ஆகியோர், ஒரு மனிதனின் மூன்று தாய்மார்களே.