புட்டபர்த்தியில் தசராக் கொண்டாடங்கள்,வேதபாடனம்,தேவிமார் பூஜை, நாராயண சேவை, நாடகம், இசை, ஹரிகதா காலக்ஷேபம், நல்லொழுக்க புராணங்களைப் படித்தல், சாஸ்திரங்களைப் பற்றிய உபன்யாசங்கள் போன்ற பல நிகழ்ச்சிகளைக் கொண்டவை. இவை அனைத்தும், மேலோட்டமாகப் புலப்படாத, பல நல்ல காரணங்களுக்காக வடிவமைக்கப் பட்டவை. இது ஏதோ, வழக்கமான மற்றும் சம்பிரதாயமானவை அன்றி வேறில்லையே என நீங்கள் நினைக்கலாம். இல்லை! ஒவ்வொரு நிகழ்ச்சிக்கும், ஒரு நிச்சயமான நற்பலன் தரக்கூடிய, ஒரு உள்ளார்ந்த முக்கியத்துவம் உண்டு. வேதங்கள் மனித குலம் அனைத்திற்குமே உடையவை. வேத பாடனம், பஞ்ச பூதங்கள் மற்றும் மனித சமுதாயங்களின் கோபத்தை அடக்கி, உலக சாந்தியையும், மனிதகுல க்ஷேமத்தையும் பேணுகிறது; அவை இயற்கை சக்திகளை அமைதியாகவும், பலனளிப்பவையாகவும் இருக்குமாறு பிரார்த்திக்கின்றன. ஒவ்வொரு திருநாமமும், அவனது காந்தியின் ஒரு அம்சத்தைத் தூண்டுமாறு செய்யும், இறைவனது திருநாம உச்சாடனத்தால், ஆனந்தமடையும் பக்தர்களுக்கானதே, தெய்வீக பூஜைகள். ஆன்மீக சாதனையின் பாதையில் செல்ல ஏங்குபவர்களுக்கு வழி காட்டியாக இருப்பவை, சாஸ்திரங்களைப் பற்றிய, பண்டிதர்களின் உபன்யாசங்கள். அத்தியாவசியமான பாடங்கள் மற்றும் ஆன்மீக ஞானத்தை இனிமையான, இதமான வழியில் தருவதற்காக அமைந்தவையே நாடகங்கள், இன்னிசை நிகழ்ச்சிகள் மற்றும் உபன்யாசங்கள். இவை அனைத்தும் மனித இதயம் எனும் தாமரையின் இதழ்களை பரிமளிக்கச் செய்கின்றன !