ஒரு விமானம் வானத்தில் பறக்கும் போது, அதில் எந்தச் சுவடையோ, நிரந்தரமான எந்தக் கோட்டையோ, பின்னர் வரும் போக்குவரத்தில் குறிக்கிடும் எந்தப் பள்ளம் அல்லது குழியையோ, அது ,விட்டுச் செல்வதில்லை. அதைப் போலவே, அனைத்து உணர்வுகள் மற்றும் உணர்ச்சிகள் உங்கள் மனதைக் கடக்க அனுமதியுங்கள், ஆனால் அவை ஒரு கருத்துப் பதிவை ஏற்படுத்த அனுமதிக்காதீர்கள். பல உபன்யாசங்களைக் கேட்பது அல்லது புத்தகங்களைப் படிப்பதை விட, இதை, ஒரு ஆய்வு மற்றும் அமைதியான உள்ளார்ந்த பகுத்தறிவின் மூலம் செய்ய முடியும்.சிறு பிள்ளைகளுக்கு, அவர்கள் பிடித்துக் கொண்டு, தள்ளிச் செல்லும் ஒரு மூன்று சக்கர வண்டியின் மூலம், நடப்பதற்கு பயிற்சி அளிக்கப் படுகிறது. ‘’ ஓம்கார சைக்கிள் ‘’ ஆக இருக்கும் அ, உ,ம என்று மூன்று சக்கிரங்களால் ஆன ப்ரணவ மந்திரமும், இப்படிப் பட்ட ஒரு இயந்திரமே. அதைப் பிடித்துக் கொண்டு, நீங்கள் பக்தி மற்றும் வைராக்யம் என்ற இரண்டு கால்களைப் பயன்படுத்தக் கற்றுக் கொள்ளலாம். ஓம்காரத்தில் நீங்கள் வைத்துள்ள உங்கள் கைப்பிடியை விட்டு விட்டால், பரிதாபமாக நீங்கள் தரையில் கீழே விழுந்து விடுகிறீர்கள். ஒவ்வொரு நாளும் ஓம்கார உச்சாடனத்துடன் நீங்கள் நடப்பீர்களேயானால், இந்த பிரபஞ்சத்தின் சாரமேயான, பரம்பொருளின் மாட்சிமையைக் கண்டிப்பாக உணர்வீர்கள்.