நீங்கள் அனைவரும் , துணிச்சலும் , தைரியமும் கொண்ட கதாநாயகர்களாக ஆக வேண்டும்; அந்தப் பாத்திரத்திற்காக இப்போதிலிருந்தே தயாராகுங்கள். உங்களுள் , நாய்,நரி,கழுதை, ஓநாய் போன்ற பல மிருகங்கள் உள்ளன. இந்த அனைத்து பிராணிகளின் மனப்பாங்குகளை அடக்கி, மனிதப் பண்புகளான ப்ரேமை மற்றும் நட்புணர்வை ஊக்குவித்து, ஒளி விடச் செய்யுங்கள். நல்லொழுக்கங்களை வளர்க்க ஆரம்பியுங்கள்; இது மிகவும் முக்கியமானதும், பலனளிப்பதும், உங்களுக்கு உண்மையான ஆனந்தத்தை அளிப்பதும் ஆகும். இதுவே, அனைத்து அறிவின் சாரமும், அனைத்து கல்வியின் உச்ச நிலையும் ஆகும். ஒவ்வொருவரையும், உங்களைடையவராகவே கருதி, அவர்களுக்கு எந்த நன்மையும் செய்ய முடியாமல் போனாலும், அவர்களுக்கு எந்தத் தீங்கையும் இழைப்பதிலிருந்து விலகி இருங்கள். உங்களது இதய கமலத்தில் ப்ரேமை எனும் ஜோதியை ஏற்றுங்கள்; இரவுப் பறவைகளான பேராசையும், பொறாமையும், அந்த ஒளியைத் தாங்க முடியாமல் பறந்தோடி விடும். ப்ரேமை உங்களை பணிவுள்ளவராக ஆக்கும்; மகத்துவத்தையும், மாட்சிமையும் காணும் போது, பணிந்து , சிரம் தாழ்த்துமாறு செய்யும். ஒரு விட்டுக் கொடுக்காத மனிதன், அஹங்காரத்தின், மோசமான வகையால் பீடிக்கப் பட்டவனாவான். மனிதன் மட்டுமே, தலைசிறந்த மற்றும் புகழ் வாய்ந்தவர்களை உணரும் ஆற்றல் படைத்த ஜீவராசியாவான் என்பதை நினைவில் கொள்ளுங்கள்.