‘’வி-நாயகா‘’என்ற பெயரின் பொருள், அவருக்கு அவரே நாயகர் என்பதாகும். அவருக்கு மேல் எந்த நாயகரும் இல்லை, அவர் எவரையும் சார்ந்திருப்பதில்லை. விநாயகர்,’’ விக்நேஸ்வர ‘’ என்றும் அழைக்கப் படுகிறார். ஈஸ்வரா என்றால், எண்ணிப் பார்க்கக் கூடிய எல்லா விதமான செல்வங்களையும் அதாவது ,பணம்,அறிவு, ஆரோக்யம், ஆனந்தம், அழகு, ஞானம் போன்ற அனைத்தையும் உடையவர் என்று பொருள். விக்நேஸ்வரர், தன்னை வழிபடுபவர்களுக்கு, இந்த அனைத்து செல்வங்களையும் அளித்து, அவற்றை அனுபவிப்பதற்கு வரும் தடைகளையும் நீக்குகிறார். உலகில் ஒவ்வொருவரும், செல்வத்தையும், வளமையையும் விரும்புவதால், அனைவரும் வழிபாட்டில், விக்நேஸ்வரருக்கு முதல் இடத்தை அளிக்கிறார்கள். எனவே தான், விநாயகர், ‘’ ப்ரதம வந்தனா ‘’ (ஆராதனையில் முதலில் வழிபட வேண்டிய கடவுள் ) என வர்ணிக்கப் படுகிறார். தன்னை தியானிக்கும் பக்தனுக்கு,, விநாயகர், தீய குணங்களை நீக்கி, நல் இயல்புகளை உட்புகுத்தி, சாந்தியை அளிக்கிறார். தெய்வீகத்தின் பல அம்சங்களின் உட்கருத்துக்களைப் புரிந்து கொண்டால் மட்டுமே, ஆராதனையை, அர்த்தமுள்ளதாக ஆற்ற முடியும்.