நீங்கள் பஜனை பாடும் போது, அந்தப் பாடல்களின் அர்த்தங்களையும், நீங்கள் பாடும் இறைவனின் நாம,ரூபங்களின் உபதேசத்தையும் கூட தியானியுங்கள். உதாரணமாக, நீங்கள் ‘’ ராமரைப்’’ பற்றிப் பாடும்போது, அவர் உருவகமாகத் திகழ்ந்து, எடுத்துக் காட்டிய, தர்மம், உங்களுள் எழ வேண்டும். நீங்கள், கோபிகைகளில் தலை சிறந்த,’’ ராதாவைப் ‘’ பற்றிப் பாடும்போது, அந்த நாமம், அவள் ஸ்ரீ கிருஷ்ணர் பால் கொண்டிருந்த, மனதிற்கும், உலகிற்கும் அதீதமான ப்ரேமை உங்களுள் எழ வேண்டும். நீங்கள், ‘சிவனை ‘’ அழைக்கும் போது, உலகைக் காப்பதற்கும், பிரபஞ்சத்தில் நல்லவற்றைப் பேணுவதற்கும், ஹாலஹால விஷத்தை அருந்திய அவரது உன்னத தியாகமும், அருவியாகக் கொட்டும் கங்கை மற்றும் பிறை நிலவினால் குளிர்ந்து உயர்ந்த அவரது அருளும், உங்கள் மனதில் எழ வேண்டும். இவ்வாறு, பஜனை அல்லது இறைநாமஸ்மரணையின் குறிக்கோளைப் புரிந்து கொண்டு,உங்களை முழு மனதுடன் அதற்கு அர்ப்பணித்துக் கொள்ளுங்கள்; உங்களுக்கு என்று கொடுக்கப் பட்ட வருடங்களிலிருந்து அதிக பட்சம் நன்மையைப் பெறுங்கள். பஜனை பாடுவதை ஒரு குறிக்கோளற்ற வழக்கமாகக் கொண்டு, காலத்தை வீணடிக்காதீர்கள்; மாறாக, உங்களது வாழ்க்கையின் ஒவ்வொரு தருணமும் ஒரு ஆராதனையாக இருக்கட்டும் !