இந்நாளில், அவநம்பிக்கையும், அக்கறையின்மையும், மலிந்து கிடக்கின்றன. உங்களில், பெரும்பாலானோர்,அர்த்தமற்ற கவலைகள்,முடிவே இல்லாத ஆசைகள், அடையமுடியாத லட்சியங்கள் ஆகியவற்றில் மாட்டிக் கொண்டு, மனச்சாந்தி இன்றி இருக்கிறீர்கள்.அறியாமை எனும் இருளில் தட்டுத் தடுமாறிக் கொண்டு இருக்கும் ஒவ்வொருவருக்கும், ஆன்மீக ஜோதி மட்டுமே, சரியான பாதையைக் காட்ட முடியும்.நீங்கள் எவ்வளவு படித்திருந்தாலும், எப்படிப் பட்ட பதவியில் இருந்தாலும் அல்லது எவ்வளவு மேன்மை படைத்தவர்களாக இருந்தாலும், உங்களிடம் மனிதப் பண்புகள் இல்லை என்றால், நீங்கள் மனிதர்களே இல்லை. மனிதத்துவம் என்றால் என்ன? சிந்தனை ,சொல் மற்றும் செயலில் இசைவு இருக்க வேண்டும் என்பதே அதன் பொருள். நீங்கள் சிந்திப்பது, நீங்கள் சொல்வது மற்றும் செய்வதிலிருந்து மாறுபட்டு இருந்தால், நீங்கள் மனிதராக இருப்பதில்லை; நீங்கள் பின்னர் ஒரு அரக்கனாக ஆகி விடுகிறீர்கள். எனவே, ஒவ்வொருவரும், முதலில் செய்ய வேண்டியது, சிந்தனை, சொல் மற்றும் செயலில் இசைவை வளர்த்துக் கொள்வது தான். ஒரு பாறாங்கல்லில் இன்றி, ஒரு வளமான மண்ணில் விதைக்கப் பட்ட விதைகளைப் போல, உண்மையான மனிதப் பண்புகள், ஆன்மீகத் தேடல்கள் நிறைந்த ஒரு இதயத்தில் தான் வளர முடியும். இந்தக் குணங்களை அபிவிருத்தி செய்து கொள்வதற்கு, நீங்கள் வாழ்க்கையின் ஏற்றத் தாழ்வுகளுக்கு மத்தியில், பரிவையும், சமச்சீரான மனப்பாங்கினையும் வளர்த்துக் கொள்ள வேண்டும்.