உணவைப் பரிசாக அளிப்பதை நீங்கள் அன்னதானம் எனக் குறிப்பிடுகிறீர்கள். இறைவன் அளித்ததைத் தானமாகக் கொடுக்கவோ அல்லது அதைப் பற்றிப் பெருமிதம் கொள்ளவோ அல்லது தாங்கள் ஏதோ தானம் செய்து விட்டோம் எனக் கருதவோ கூட, எவருக்கும் அதிகாரம் இல்லை. இறைவன் மழையை அளித்து, பயிரை வளர்த்து, தானியத்தை முற்றச் செய்கிறான்;அதை உங்களது என்று கூறிக்கொண்டு, அதைத் தானம் செய்ய, உங்களுக்கு என்ன அதிகாரம் இருக்கிறது ? நீங்கள் செய்வது தானம் அல்ல;நீங்கள் செய்வது எல்லாம், இறைவனுக்கு நன்றியை அர்ப்பணிப்பது மட்டுமே ! நீங்கள், அறுவடை செய்த தானியத்தை உணவாகச் சமைத்து, மனித உருவில் உள்ள தெய்வங்களுக்கு ( நாராயணர்கள் ), அர்ப்பணிப்பதன் மூலம் ,அதனைப் புனிதப் படுத்துகிறீர்கள்! எனவே, அதை நாராயண சேவை என்றே அழையுங்கள் ! அதுவே மிகவும் சரியானதாக இருக்கும். நீங்கள் ஒவ்வொருவரும், பிரபஞ்சம் என்ற உடலின் ஒரு அங்கமே. உங்களது பணியை முணுமுணுக்காமல் ஆற்றுங்கள்; அனைவரும் முழு கூட்டுறவுடன் செயலாற்றுங்கள். அதன் பின் தான், இந்த பிரபஞ்சமே, ஆரோக்கியமாகவும், ஆனந்தமாகவும் இருக்கும். ப்ரேமை மட்டுமே உங்களை பிறருடனும்,ப்ரேமையின் ஸ்வரூபமே ஆன இறைவனுடன் பிணைக்க வல்லதாகும்.