ஒரு மனிதனுக்குக் கொடுக்கப்பட்டு இருக்கும் வாழ்நாள் மிகவும் குறுகியது; நீங்கள் வாழும் இந்த உலகமோ மிகவும் விசாலமானது; காலமோ பின்னும், முன்னும் மிகவும் நீண்ட ஒன்று. நீங்கள் என்ன செய்ய வேண்டுமோ, அதை உங்களுக்கு கொடுக்கப்பட்ட இடம் மற்றும் காலத்தில், விரைவாகச் செய்யுங்கள். உங்களது பாத்திரத்தின் கடமைகளை, ஒரு வழிபாட்டு மனப்பாங்கில் நீங்கள் ஆற்ற வேண்டும். ஒரு மாலை, ஒரு மலரினால் மட்டும் தொடுக்கப் படுவதில்லை; பல வண்ணங்களும், மணமும் கொண்ட மலர்கள், ஒரு கயிறில் கோர்க்கப் பட்டு, இறைவனை அலங்கரிக்கும் பொதுவான குறிக்கோளை உடைய மாலையாக உருவாகின்றன. அதைப் போல, அனைவருடைய உடல் வலிமை, செல்வ வளங்கள் மற்றும் புத்திகூர்மை ஆகியவை ஒன்று சேர்ந்து, கலந்து ஒரு திட்டத்தை வெற்றி பெறச் செய்ய வேண்டும். வாழ்க்கை என்பது, நம்முள்ளும், நம்மைச் சுற்றி உள்ள அனைத்தினுள்ளும், நமது புலன்களுக்கு அப்பாற்றப்பட்ட எல்லாவற்றிலும் உறையும், தெய்வீகத்தை உணருவது என்ற மிக உயர்ந்த குறிக்கோளுக்காகவே அன்றி, உண்டு ஜீரணிக்கவும், திரிந்து, உறங்குவதற்கும் மட்டுமே கொடுக்கப் படவில்லை. இப்படிப் பட்ட வாழ்க்கையை, அற்ப முயற்சிகள் மற்றும் வெறும் புலனின்பங்களில் வீணடிப்பது ஒரு புத்திசாலி மனிதனுக்கு அழகல்ல. ஏழை, எளியோருக்கும்,நோயுற்றவர் மற்றும் ஊனமுற்றவருக்கும், துன்பப்படுவோர் மற்றும் தாழ்த்தப் பட்டவர்களுக்கும் உதவுவதன் மூலம், இறைவனது அருளுக்குப் பாத்திரமாகுங்கள்.