முடிந்த அளவு சமுதாய சேவை ஆற்றுங்கள்.நீங்கள் வேலைகள் செய்து, உங்களது வாழ்க்கைக்கு வருமானம் ஈட்டத்தான் வேண்டும். ஆனால், பேராசை கொண்டவர்களாக இருக்காதீர்கள். உங்களுக்குக் கிடைத்ததை வைத்துத் திருப்திப் படுங்கள். ஒவ்வொருவரும், வெறும் கையோடு தான் இந்த உலகை விட்டுச் செல்ல வேண்டும். அலக்ஸாண்டர் பல நாடுகளை வென்று, பெரும் செல்வத்தைக் கைப்பற்றினான். அவனது இறுதி காலம் வந்தவுடன், தான் ஒரு சல்லிக் காசைக் கூட எடுத்துச் செல்ல முடியாது என்பதை அவன் உணர்ந்தான். மக்கள், பேரரசனான அலக்ஸாண்டர் கூட, இந்த உலகை விட்டுச் செல்லும்போது, எதையும் எடுத்துச் செல்ல முடியாது என்பதைப் புரிந்து கொள்ள வேண்டும் என்பதற்காக, அவன் தனது அமைச்சரை, தனது இறுதிப் பயணத்தின் போது, தனது இரண்டு கைகளையும் தலைக்கு மேல் உயர்த்தி வைக்குமாறு வேண்டிக் கொண்டான்; அதைப் போல, ஒரு கோடீஸ்வரன் கூட உணவைத் தான் உண்ண முடியும்; அவன் தங்கத்தைச் சாப்பிட முடியாது. எனவே, அடிப்படைத் தேவைகளான உணவு, உடை மற்றும் இருப்பிடத்துடன் திருப்தி அடையுங்கள். உங்களது வேலைகளை ஒழுங்காகச் செய்து, உங்களது ஓய்வு நேரத்தில், சேவைப் பணிகளை மேற்கொள்ளுங்கள். அனைவரையும் நேசித்து, அனைவருக்கும் சேவை செய்வதே இறைவனை அடைவதற்கான எளிதான வழியாகும்.